നടൻ അല്ലു രമേഷ് അന്തരിച്ചു

പ്രശസ്ത തെലുങ്ക് നടൻ അല്ലു രമേഷ്(52) അന്തരിച്ചു. ജന്മനാടായ വിശാഖപട്ടണത്ത് വെച്ച് നടന് ഹൃദയാഘാതമുണ്ടായതായാണ് റിപ്പോർട്ടുകൾ. സംവിധായകൻ ആനന്ദ് രവിയാണ് വിയോഗ വാര്‍ത്ത ഫേസ്ബുക്കിലൂടെ പങ്കുവെച്ചത്.

2001-ൽ റിലീസ് ചെയ്ത ചിരുജല്ലു എന്ന സിനിമയിലൂടെയാണ് അല്ലു രമേഷ് അരങ്ങേറ്റം കുറിച്ചത്. തൊളു ബൊമ്മലാട്ട, മധുര വെെൻസ്, വീഥി, ബ്ലേഡ് ബാജി, നെപ്പോളിയൻ തുടങ്ങി അൻപതോളം സിനിമകളിൽ വേഷമിട്ടു. സഹപ്രവർത്തകരും ആരാധകരും ഉൾപ്പെടെ നിരവധിപ്പേർ സാമൂഹ്യമാധ്യമങ്ങളിലൂടെ നടന് അനുശോചനം രേഖപ്പെടുത്തി.