‘ഒരേ ബോർഡിൽ അമ്പലവും മസ്ജിദും’; ഏറ്റെടുത്ത്‌ സോഷ്യൽ മീഡിയ

ഇന്ത്യയിൽ മതേതരത്വത്തിന് ഏറെ വെല്ലുവിളികൾ നേരിടുന്ന സാഹചര്യത്തിൽ തിരുവനന്തപുരത്ത് അമ്പലത്തിനും മസ്ജിദിനുമായി സ്ഥാപിച്ച സംയുക്ത കവാടത്തിന്റെ ചിത്രം ഏറെ ചർച്ചയാവുകയാണ്. വെഞ്ഞാറമ്മൂട് മേലേകുറ്റിമൂട്ടിലാണ് ഇത്തരത്തിൽ ഒരു ബോർഡ് സ്ഥാപിച്ചിരിക്കുന്നത്.

Also read:‘ഫോട്ടോയ്ക്ക് ചാക്കോച്ചൻ കമന്റ് ചെയ്‌താൽ ‘അനിയത്തിപ്രാവ്’ ഒന്നുകൂടി കാണും’; വ്യത്യസ്തമായ ആശംസയുമായി പിഷാരടി

തിരുവനതപുരത്ത് വെഞ്ഞാറമൂട് മേലേകുറ്റിമൂട്ടിൽ ശ്രീ ചാമുണ്ഡേശ്വരി ക്ഷേത്രത്തിന് ബോർഡ് വയ്ക്കാൻ സ്ഥലമില്ലതിനാൽ നേരത്തെ സ്ഥാപിച്ചിരുന്ന പാറയിൽ മസ്ജിദ് ബോർഡിന്റെ പാതിഭാഗം ക്ഷേത്രത്തിന്റെ പേര് സ്ഥാപിക്കാൻ മസ്ജിദ് കമ്മിറ്റി വിട്ടു നൽകുകയായിരുന്നു. ഈ ചിത്രം സമൂഹമാധ്യമങ്ങൾ ഏറ്റെടുത്തിരിക്കുകയാണ്. കേരളത്തിന്റെ മതേതരത്വത്തെ അടയാളപ്പെടുത്തുന്ന ഒരു ചിത്രമെന്നാണ് സോഷ്യൽ മീഡിയയിൽ ചർച്ചയാകുന്നത്.

Also read:ഇന്ത്യയിൽ തൊഴിൽ സാഹചര്യം പരിതാപകരം; ഇന്റർനാഷനൽ ലേബർ ഓർഗനൈസേഷൻ റിപ്പോർട്ട് പുറത്ത്

ഇതിനോടകം നിരവധി ആളുകളാണ് ഈ ചിത്രം പങ്കുവച്ചിരിക്കുന്നത്. വളരെ പോസിറ്റീവായ പ്രതികരണങ്ങളാണ് ചിത്രത്തിന് താഴെ രേഖപ്പെടുത്തുന്നത്.