യുഡിഎഫ് ഭരണകാലത്തെ വെല്ലുവിളികളില്‍ നിന്ന് വ്യത്യസ്തമായി ഇടതുപക്ഷ ജനാധിപത്യ മുന്നണി സര്‍ക്കാരിന് കീഴില്‍, പാഠപുസ്തക വിതരണം തടസ്സമില്ലാത്ത പ്രക്രിയയാണെന്ന് മന്ത്രി വി ശിവന്‍കുട്ടി. എല്ലാ പശ്ചാത്തലത്തില്‍ നിന്നുമുള്ള കുട്ടികളും സ്‌കൂളില്‍ ചേരുന്നു എന്നതാണ് കേരളത്തിന്റെ പ്രത്യേകതയെന്നും മന്ത്രി വി ശിവന്‍കുട്ടി പറഞ്ഞു.
പാഠപുസ്തകങ്ങളുടെ സമയോചിതമായ വിതരണം പഠിതാക്കള്‍ക്ക് അവരുടെ അക്കാദമിക് യാത്രയ്ക്ക് ആവശ്യമായ വിഭവങ്ങള്‍ ഉണ്ടെന്ന് ഉറപ്പാക്കുന്നു.യുഡിഎഫ് ഭരണകാലത്തെ പോലെ പുസ്തക വിതരണത്തിന് യാതൊരു തടസവും ഇടതുപക്ഷ കാലത്ത് ഉണ്ടാവുകയില്ലെന്ന് മന്ത്രി വി ശിവന്‍കുട്ടി പറഞ്ഞു.
Also Read: വവ്വാലുകളില്‍ വീണ്ടും നിപ സാന്നിധ്യം; സ്ഥിരീകരിച്ച് നാഷണല്‍ വൈറോളജി ഇന്‍സ്റ്റിറ്റ്യൂട്ട്
1 മുതല്‍ 10 വരെ ക്ലാസുകള്‍ക്കുള്ള പാഠപുസ്തകങ്ങള്‍ നിര്‍മ്മിക്കുന്നത് നമ്മള്‍ തന്നെയാണ്. അതുകൊണ്ട് എന്‍സിഇആര്‍ടി കൊണ്ടുവന്ന വെട്ടിമാറ്റലുകള്‍ ഈ മേഖലയെ ബാധിക്കില്ല. എന്നാല്‍ 11, 12 ക്ലാസുകളെ ഇത് ബാധിക്കും. അതുകൊണ്ടുതന്നെ അഡീഷണല്‍ പാഠപുസ്തകങ്ങള്‍ പുറത്തിറക്കിയാണ് നാം ഈ നീക്കത്തെ പ്രതിരോധിച്ചത്. വൈവിധ്യത്തെയും സമത്വത്തെയും വിജ്ഞാനാന്വേഷണത്തെയും വിലമതിക്കുന്ന ഒരു സമൂഹത്തെ പരിപോഷിപ്പിച്ചുകൊണ്ട് കേരളത്തിലെ വിദ്യാഭ്യാസം വികസിക്കുന്നത് തുടരുന്നുവെന്ന് ഉറപ്പാക്കാന്‍ നമുക്ക് ഒരുമിച്ച് പ്രവര്‍ത്തിക്കാമെന്ന് മന്ത്രി വി ശിവന്‍കുട്ടി വ്യക്തമാക്കി.
അവധിക്കാലത്തിന് മുന്‍പ് തന്നെ വിദ്യാര്‍ത്ഥികള്‍ക്ക് അടുത്ത അധ്യായന വര്‍ഷത്തെ പാഠഭാഗങ്ങള്‍ പരിചയപ്പെടുന്നതിനും, പത്താം ക്ലാസിലേക്ക് പ്രവേശിക്കുന്ന വിദ്യാര്‍ത്ഥികള്‍ക്ക് തയ്യാറെടുപ്പ് നടത്തുന്നതിനു വേണ്ടിയുമാണ് വേനലവധിക്ക് മുന്‍പ് വിദ്യാര്‍ത്ഥികള്‍ക്ക് പാഠ പുസ്തകങ്ങള്‍ വിതരണം ചെയ്യുന്നത്. 2,4,6,8,10 ക്ലാസ്സുകളിലെ പാഠപുസ്തകങ്ങളാണ് വിതരണത്തിന് തയ്യാറായത്. പാഠപുസ്തകങ്ങളുടെ സംസ്ഥാനതല വിതരണം മന്ത്രി വി ശിവന്‍കുട്ടി ഉദ്ഘാടനം ചെയ്തു. 2024-25 വര്‍ഷം പുതുക്കുന്ന 1, 3,5,7,9 ക്ലാസുകളുടെ പാഠപുസ്തകങ്ങള്‍ മെയ് മാസം ആദ്യവാരത്തില്‍ കുട്ടികള്‍ക്ക് ലഭ്യമാക്കും. ഇതിന് ആവശ്യമായ ഒരുക്കത്തിലാണ് വിദ്യാഭ്യാസ വകുപ്പ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
