“തണലൊരുക്കം”; ചാത്തൻ കൊറ്റി അമ്മക്ക് വീടൊരുക്കി വിദ്യാർത്ഥികൾ

കേരള സർക്കാർ സ്ഥാപനമായ ഐ.എച്ച്ആർഡിയുടെ കോളേജ് ഓഫ് അപ്ലൈഡ് സയൻസ്, താമരശ്ശേരിയിലെ വിദ്യാർത്ഥികൾ എൻ. എസ്. എസ് . യൂണിറ്റ് നമ്പർ   14 ന്റെ   ‘തണലൊരുക്കം ‘   പദ്ധതിയുടെ ഭാഗമായി നിർമ്മിച്ച വീടിൻ്റെ താക്കോൽ കൈമാറി. താമരശ്ശേരി വാർഡ് 3  വാപന്നാം പൊയിലിൽ താമസിക്കുന്ന ചാത്തൻ കൊറ്റി അമ്മക്കാണ് വിദ്യാർത്ഥികൾ വീട് നിർമ്മിച്ചു നൽകിയത്. ചടങ്ങിൽ   2022-23 വർഷത്തെ പി ടി എ ഫണ്ട് ഉപയോഗിച്ച നിർമ്മിച്ച സെമിനാർ ഹാളിന്റെ ഉദ്‌ഘാടനം ഉന്നത വിദ്യാഭ്യാസ, സാമൂഹ്യനീതി വകുപ്പ് മന്ത്രി ഡോ. ആർ. ബിന്ദു നിർവ്വഹിച്ചു.

Also Read: ഗോത്രവര്‍ഗക്കാരനായ യുവാവിന്റെ മുഖത്ത് മൂത്രമൊഴിച്ച് ബിജെപി നേതാവ്; വ്യാപക വിമര്‍ശനം

കൊടുവള്ളി എം എൽ എ  ഡോ. എം കെ മുനീർ ചടങ്ങിൽ അധ്യക്ഷനായി. യോഗത്തിൽ ഐ എച്ച് ആർ ഡി ഡയറക്ടർ ഡോ. വി.  എ. അരുൺ കുമാർ  സ്വാഗതം ആശംസിച്ചു. സ്റ്റേറ്റ് എൻ. എസ്. എസ്. ഓഫീസർ ഡോ. അൻസർ മുഖ്യ പ്രഭാഷണവും പ്രിൻസിപ്പൽ ഡോ .രാധിക. കെ. എം . റിപ്പോർട് അവതരണവും നിർവഹിച്ചു.  ചടങ്ങിൽ താമരശ്ശേരി പഞ്ചായത്ത് പ്രസിഡന്റ് ജെ. ഡി .അബ്ദുറഹിമാൻ മാസ്റ്റർ, താമരശ്ശേരി പഞ്ചായത്ത് ആരോഗ്യ സ്റ്റാന്റിംഗ് കമ്മിറ്റി ചെയർമാന് എ. അരവിന്ദൻ, വാർഡ് മെമ്പർ . ഫസീല ഹബീബ്, ഐ .എച്ച് .ആർ .ഡി. എൻ. എസ്. എസ് . കോ ഓർഡിനേറ്റർ ഡോ. സി. ആർ .അജിത്‌സെൻ, പി. ടി .എ. വൈസ് പ്രസിഡന്റ് മദാരി ജുബൈരിയ തുടങ്ങിയവർ ചടങ്ങിന് ആശംസകൾ അറിയിച്ചു.  പ്രോഗ്രാം ഓഫീസർ  ലക്ഷ്മിപ്രദീപ് നന്ദി പറഞ്ഞു.