ഓര്‍മകളുടെ ഒരായിരം മുഹൂര്‍ത്തങ്ങളെ സാക്ഷിയാക്കി തിരുവനന്തപുരം മാര്‍ ഇവാനിയോസ് ഓട്ടോണമസ് കോളജില്‍ പൂര്‍വ വിദ്യാര്‍ഥികളുടെ സംഘടനയായ ‘അമിക്കോസ് ബാക്ക് ടു ഇവാനിയോസ്’-ന്റെ നേതൃത്വത്തില്‍ 75-ാം വാര്‍ഷിക ആഘോഷങ്ങള്‍ക്ക് തുടക്കമായി. ചടങ്ങുകളോടനുബന്ധിച്ച് ‘ബാക്ക് ടു ഇവാനിയോസ്’ ന്റെ ലോഗോ കര്‍ദിനാള്‍ ബസേലിയോസ് ക്ലീമിസ് കാതോലിക്ക ബാവ പ്രകാശനം ചെയ്തു.
ബിബ്‌ളിയോ ബുദ്ധയാണ് ലോഗോ രൂപകല്പന ചെയ്തിട്ടുള്ളത്. പരിപാടിയില്‍ അമിക്കോസ് പ്രസിഡന്റ് ഡോ. കെ. ജയകുമാര്‍ ഐഎഎസ് അധ്യക്ഷനായി. ബിഷപ് മാത്യൂസ് മാര്‍ പോളികാര്‍പ്പസ്, ജഗദീഷ്, കെ. മുരളീധരന്‍, വി.വി. രാജേഷ്, ആന്റണി തോമസ്, ബി.സനില്‍കുമാര്‍, എബി ജോര്‍ജ്, സിറിയക് ജോസഫ്, ഡോ. ഷേര്‍ളി സ്റ്റുവര്‍ട്ട്, ആദര്‍ശ്, റിയോ ജോര്‍ജ്, ജിമ്മി ജോര്‍ജ്, ആന്റണി തോമസ്, കെ.ജി. ഏബ്രഹാം എന്നിവര്‍ പ്രസംഗിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
