ദുരന്തത്തിലാഴ്ന്ന വയനാടിന് കൈത്താങ്ങ് ; മുഖ്യമന്ത്രിയുടെ ദുരിതാശ്വാസ നിധിയിലേക്ക് കേരള മോട്ടോർ തൊഴിലാളി ക്ഷേമനിധി ബോർഡ് നൽകിയത് ഒന്നരക്കോടി രൂപ, ജീവനക്കാർ ഒരു ലക്ഷത്തി എഴുപതിനായിരം രൂപ

ദുരന്തത്തിലാഴ്ന്ന വയനാടിന് കൈത്താങ്ങായി മുഖ്യമന്ത്രിയുടെ ദുരിതാശ്വാസ നിധിയിലേയ്ക്കുള്ള സംഭാവനയായി കേരള മോട്ടോർ തൊഴിലാളി ക്ഷേമനിധി ബോർഡിന്റെ വക ഒന്നരക്കോടി രൂപയുടെ ചെക്കും, ബോർഡിലെ ജീവനക്കാരുടെ വക ഒരു ലക്ഷത്തി എഴുപതിനായിരം രൂപയുടെ ചെക്കും തൊഴിലും പൊതുവിദ്യാഭ്യാസവും വകുപ്പ് മന്ത്രി വി ശിവൻകുട്ടിയ്ക്ക് കേരള മോട്ടോർ തൊഴിലാളി ക്ഷേമനിധി ബോർഡ് ചെയർമാൻ കെകെ ദിവാകരൻ കൈമാറി. ചടങ്ങിൽ ബോർഡ് ചീഫ് എക്സിക്യൂട്ടീവ് ഓഫീസർ രഞ്ജിത്ത് പി മനോഹർ സന്നിഹിതനായി.

Also Read; വയനാട്ടിലെ ദുരിതബാധിതർക്ക് ഡിവൈഎഫ്ഐയ്ക്കൊപ്പം നടുപ്പൊയിൽ യുപി സ്കൂൾ; സ്നേഹ വീടുകളുടെ നിർമ്മാണച്ചെലവിലേക്ക് ഒരു ലക്ഷം രൂപ കൈമാറി

അതേസമയം, വയനാട്ടിലെ ദുരിതബാധിതർക്ക് ഡിവൈഎഫ്ഐ നിർമ്മിച്ചു നൽകുന്ന സ്നേഹ വീടുകളുടെ നിർമ്മാണച്ചെലവിലേക്ക് നടുപ്പൊയിൽ യുപി സ്കൂൾ മാനേജർ ശശി മഠപ്പറമ്പത്ത് 250 ചാക്ക് സിമിൻ്റിൻ്റെ പണം ഒരു ലക്ഷം രൂപ ഡിവൈഎഫ്ഐ സംസ്ഥാന പ്രസിഡൻ്റ് വി വസീഫിന് കൈമാറി. ജില്ലാ സെക്രട്ടറി പിസി ഷൈജു, എംകെ നികേഷ്, കെ രജിൽ, ടികെ ബിജു, ശരൺ രാം തുടങ്ങിയവർ പങ്കെടുത്തു.

Also Read; ‘വിധിയെ തടുക്കാൻ പറ്റില്ല’; തിരച്ചിലിനിടെ രക്ഷാ പ്രവർത്തകർക്ക് മൺകൂനക്കിടയിൽ നിന്ന് കിട്ടിയ ഓട്ടോഗ്രാഫിൽ ഇങ്ങനെ രേഖപ്പെടുത്തി, നോവായി വയനാട്