മ​ല​മ്പു​ഴ ഡാ​മി​ലെ ജ​ല​നി​ര​പ്പ് താഴുന്നു

മ​ല​മ്പു​ഴ ഡാ​മി​ലെ ജ​ല​നി​ര​പ്പ് കു​ത്ത​നെ താ​ഴു​ന്നു. നി​ല​വി​ൽ 28 ശ​ത​മാ​നം വെ​ള്ള​മേ ഡാ​മി​ലു​ള്ളൂ. 105.98 മീ​റ്റ​റാ​ണ് ഞാ​യ​റാ​ഴ്ച ജ​ല​നി​ര​പ്പ്. പൊ​തു​വെ ന​ല്ല മ​ഴ ല​ഭി​ക്കു​ന്ന വ​ർ​ഷ​ങ്ങ​ളി​ൽ ജ​ല​നി​ര​പ്പ് പരമാ​വ​ധി​യി​ലെ​ത്തു​ന്ന സ​മ​യ​മാ​ണി​ത്.

വെ​ള്ളം കൃ​ഷി ആ​വ​ശ്യ​ത്തി​ന് ക​നാ​ലു​ക​ളി​ലേ​ക്ക് തു​റ​ന്നു​വി​ട്ട​തി​നാ​ൽ ഓ​രോ ദി​വ​സ​വും ജ​ല​നി​ര​പ്പ് താ​ഴു​ക​യാ​ണ്. ര​ണ്ടു ദി​വ​സ​മാ​യി ജി​ല്ല​യി​ൽ പ​ല​യി​ട​ത്തും ചെ​റി​യ മ​ഴ ല​ഭി​ക്കു​ന്നു​ണ്ടെ​ങ്കി​ലും ഡാ​മി​ന്റെ വൃ​ഷ്ടി​പ്ര​ദേ​ശ​ത്ത് മ​ഴ​യി​ല്ല. ഇ​തി​നാ​ൽ അ​ണ​ക്കെ​ട്ടി​ൽ ​ജ​ലം ഒ​ഴു​കി​യെ​ത്തു​ന്നി​ല്ല.

Also Read: ഓട്ടോറിക്ഷ മറിഞ്ഞ് അപകടം; അച്ഛൻകോവിലാറ്റിൽ കാണാതായ കുഞ്ഞിന്റെ മൃതദേഹം കണ്ടുകിട്ടി

എന്നാൽ വേ​ന​ലി​ന് സ​മാ​ന​മാ​യ അ​വ​സ്ഥ​യി​ലാ​ണ് ഡാം ​പ്ര​ദേ​ശം. ചു​റ്റു​മു​ള്ള പ്ര​ദേ​ശ​ങ്ങ​ളി​ൽ വെ​ള്ള​മി​ല്ലാ​ത്ത​തി​നാ​ൽ കാ​ലി​ക​ൾ മേ​ഞ്ഞു​ന​ട​ക്കു​ക​യാ​ണ്. സാ​ധാ​ര​ണ റി​സ​ർ​വോ​യ​ർ പൂ​ർ​ണ​മാ​യി നി​റ​ഞ്ഞു​നി​ൽ​ക്കു​ന്ന സ​മ​യ​മാ​ണി​ത്. ഒ​ന്നാം​വി​ള​ക്കു​ള്ള വെ​ള്ള​മാ​ണ് ഇ​പ്പോ​ൾ ക​നാ​ലു​ക​ളി​ലേ​ക്ക് തു​റ​ന്നു​വി​ടു​ന്ന​ത്. ഒ​രാ​ഴ്ച മു​മ്പാ​ണ് ഡാമിന്റെ ഷ​ട്ട​റു​ക​ൾ തു​റ​ന്ന​ത്.

അതേസമയം, പത്തനംതിട്ട ജില്ലയിൽ തുടർച്ചയായി മഴ തുടരുന്ന സാഹചര്യത്തിൽ മൂഴിയാർ ഡാമിന്റെ ഷട്ടറുകൾ തുറന്നു. ഡാമിന്റ രണ്ടാം നമ്പർ ഷട്ടർ 40 സെന്റി മീറ്ററാണ് തുറന്നത്. ഡാമിന്റവൃഷ്ടി പ്രദേശത്ത് മഴ കനക്കുകയാണ്. ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദത്തെ തുടർന്നു ഇനിയുള്ള 24 മണിക്കൂറിൽ പത്തനംതിട്ട ജില്ലയിൽ ചിലയിടങ്ങളിൽ ശക്തമായ മഴ ലഭിക്കാൻ ഇടയുള്ളതായ കാലാവസ്ഥാ പ്രവചനം.ഈ സാഹചര്യത്തിൽ കോന്നിയിലെ എല്ലാ വിദ്യാഭ്യാസ സ്ഥാപനങ്ങൾക്കും കളക്ടർ അവധി പ്രഖ്യാപിച്ചിട്ടുണ്ട്.

Also Read: മഴ തുടരുന്നു; കോന്നി താലൂക്കിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി