തൃശൂർ എടമുട്ടത്ത് ബീവറേജ് ഔട്ട്ലെറ്റിൽ മോഷണം. 65,000 രൂപയുടെ മദ്യകുപ്പികൾ കവർന്നു. വെള്ളിയാഴ്ച്ച പുലർച്ചെ 2 മണിയോടെയാണ് ബീവറേജിൻ്റെ ഷട്ടർ പൊളിച്ച് മോഷണം നടന്നത്. വില കൂടിയ മദ്യക്കുപ്പികളാണ് ഏറെയും മോഷ്ടിക്കപ്പെട്ടിട്ടുള്ളത്.
Also Read: ഇടുക്കിയിൽ പ്രായപൂർത്തിയാകാത്ത പെൺകുട്ടിയെ മദ്യം നൽകി പീഡിപ്പിച്ചു; മൂന്ന് പേർ അറസ്റ്റിൽ
തെളിവു നശിപ്പിക്കുന്നതിനായി മോഷണത്തിന് ശേഷം മുളകുപൊടിയും വിതറിയിട്ടുണ്ട്. രാവിലെ ഔട്ട്ലെറ്റ് തുറക്കാൻ വന്നപ്പോഴാണ് ജീവനക്കാർ മോഷണ വിവരമറിയുന്നത്. വലപ്പാട് പോലിസ് സ്ഥലത്തെത്തി അന്വേഷണം ആരംഭിച്ചു. വിരലടയാള വിദഗ്ധരും ഡോഗ് സ്ക്വാഡും സ്ഥലത്തെത്തി തെളിവുകൾ ശേഖരിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
