തിരുവനന്തപുരം നഗരസഭയിലെ ‘കാർബൺ ന്യൂട്രൽ അനന്തപുരി’ പദ്ധതിയിലൂടെ 100 സൗജന്യ ഓട്ടോകൾ വിതരണം ചെയ്യാൻ തീരുമാനം. സംസ്ഥാന പൊതുമേഖലാ സ്ഥാപനമായ കേരള ഓട്ടോമൊബൈൽസ് ലിമിറ്റഡാണ് ഈ ഓട്ടോറിക്ഷകൾ നിർമ്മിച്ചു നൽകുന്നത്. സ്മാർട്ട് സിറ്റി പദ്ധതിയിൽ ഉൾപ്പെടുത്തി വിതരണം ചെയ്യുന്ന ഓട്ടോകളുടെ ആദ്യത്തെ പത്തെണ്ണത്തിന്റെ വിതരണോദ്‌ഘാടനം മന്ത്രി പി രാജീവ് നിർവഹിച്ചു.
കേരളത്തിൽ സമീപകാലത്തായി വലിയ കുതിപ്പാണ് ഇലക്ട്രിക് വാഹനങ്ങളുടെ എണ്ണത്തിൽ ഉണ്ടായിക്കൊണ്ടിരിക്കുന്നതെന്ന് ഉദ്‌ഘാടനവേളയിൽ മന്ത്രി രാജീവ് പറഞ്ഞു. നൂറു വാർഡുകളിൽ നൂറു ഓട്ടോ എന്ന കണക്കിൽ നിർധനരായവരെ സഹായിക്കാനുള്ള പദ്ധതിക്കാണ് തുടക്കമിട്ടിരിക്കുന്നത്. അന്തരീക്ഷ മലിനീകരണം ഒഴിവാക്കാനായാണ് ഇലക്ട്രിക് ഓട്ടോകൾ വിതരണം ചെയ്യുന്നത്.
തിരുവനന്തപുരം നഗരസഭ ജനക്ഷേമത്തിനായി മുന്നോട്ടുവച്ച അനവധി പദ്ധതികളിലൊന്നാണ് ഇലക്ട്രിക് ഓട്ടോ വിതരണം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
