കോഴിക്കോട് ജില്ലയിലെ വടകര-പേരാമ്പ്ര റൂട്ടില്‍ ഓടുന്ന ഒരു സ്വകാര്യ ബസാണ് ഇപ്പോള്‍ ആ നാട്ടിലെ സംസാര വിഷയം. കാരണം നോവയെന്ന സ്വകാര്യ ബസിന്റെ സ്റ്റിയറിംഗ് പിടിക്കുന്നത് അനുഗ്രഹ എന്ന പെണ്‍കുട്ടിയാണ്. സാഹസികത ഏറെ ഇഷ്ടപ്പെടുന്ന അനുഗ്രഹയ്ക്ക് ചെറുപ്പം മുതല്‍ തന്നെ ഡ്രൈവിംഗ് ഇഷ്ടമാണ്.
Also Read: ബിനു അടിമാലിയുടെ സർജറി കഴിഞ്ഞു; വിവരങ്ങൾ പങ്കുവെച്ച് അനൂപ്
കഴിഞ്ഞയാഴ്ചയാണ് അനുഗ്രഹയ്ക്ക് ഹെവി ലൈസന്‍സ് കിട്ടിയത്. ഇതോടെ ബസ് ഡ്രൈവിംഗും തന്റെ കൈകളില്‍ ഭദ്രമാണെന്ന് തെളിച്ചിരിക്കുകയാണ് ഈ ഇരുപത്തിനാലുകാരി.
ലോജിസ്റ്റിക്കില്‍ ബിരുദാനന്തര ബിരുദധാരിയാണെങ്കിലും തന്റെ പാഷനായ ഡ്രൈവിംഗ് തുടരാനാണ് ഇഷ്ടമെന്ന് അനുഗ്രഹ പറയുന്നു.ബസ് ഓടിക്കണമെന്ന അനുഗ്രഹയുടെ ആഗ്രഹത്തിന് പൂര്‍ണ പിന്തുണയുമായി കുടുംബം കൂടെയുണ്ട്.അച്്ഛന്റെ സുഹൃത്തിന്റെ ബസിലാണ് അരങ്ങേറ്റം കുറിച്ചുള്ള അനുഗ്രഹയുടെ ഡ്രൈവിംഗ് . മേപ്പയൂര്‍ എടത്തില്‍ മുക്ക് മുരളീധരന്റെയും ചന്ദ്രികയുടെയും മകളാണ് അനുഗ്രഹ.പ്ലസ് ടുവിന് പഠിക്കുമ്പോള്‍ ഹിമാചലല്‍ പ്രദേശില്‍ നടന്ന അഡ്വഞ്ചറസ് ക്യാമ്പില്‍ അനുഗ്രഹ പങ്കെടുത്തിരുന്നു.ഇത് സാഹസികതയ്ക്ക് കൂടുതല്‍ കരുത്ത് പകര്‍ന്നെന്ന് അനുഗ്രഹ പറയുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
