വയനാട് പുഴമുടിയില്‍ കാര്‍ നിയന്ത്രണംവിട്ട് മറിഞ്ഞ് മൂന്ന് പേര്‍ മരിച്ചു. ഒരു യുവാവും 2 പെണ്‍കുട്ടികളുമാണ് മരിച്ചത്. കണ്ണൂര്‍ ഇരിട്ടി സ്വദേശികളായ അഡോണ്‍ , സ്‌നേഹ, കാസര്‍കോട് വെള്ളരിക്കുണ്ട് സ്വദേശി ജിസ്‌ന എന്നിവരാണ് മരിച്ചത്. ഇവര്‍ക്കൊപ്പം കാറിലുണ്ടായിരുന്ന
ഇരിട്ടി സ്വദേശികളായ സാന്‍ജോ, ഡിയോണ എന്നിവരും വെള്ളരിക്കുണ്ട് സ്വദേശി സോനയും വയനാട്ടിലെ സ്വകാര്യ ആശുപത്രികളില്‍ ചികിത്സയിലാണ്.
മരിച്ച അഡോണ്‍ ഡിയോണയുടെ സഹോദരനും സ്‌നേഹ സോനയുടെ സഹോദരിയുമാണ്. വൈകിട്ട് ആറുമണിയോടെ കല്‍പ്പറ്റ – പടിഞ്ഞാറത്തറ റോഡിന് സമീപമാണ് അപകടമുണ്ടായത്. അമിതവേഗതയില്‍ എത്തിയ കാര്‍ റോഡ് സൈഡിലെ പോസ്റ്റിലും മരത്തിലും ഇടിച്ച് താഴ്ചയിലേക്ക് മറിയുകയായിരുന്നു. നാട്ടുകാര്‍ ചേര്‍ന്നാണ് അപകടത്തില്‍പ്പെട്ടവരെ ആശുപത്രിയില്‍ എത്തിച്ചത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
