മലയാളികള്‍ക്ക് എന്നും ഇഷ്മുള്ള ഒന്നാണ് ഇഡലി. നല്ല പൂപോലെയുള്ള ഇഡലിയുണ്ടെങ്കില്‍ ബ്രേക്ക്ഫാസ്റ്റിന് മറ്റൊന്നും വേണ്ട. അവല്‍ ഉപയോഗിച്ചുകൊണ്ട് നല്ല കിടിലന്‍ ഇഡലി ഉണ്ടാക്കുന്നത് എങ്ങനെയെന്ന് നോക്കിയാലോ ?
ചേരുവകള്‍
ഇഡ്ഡലി റൈസ് /പൊന്നി അരി – 4 കപ്പ്
ഉഴുന്ന് -1 കപ്പ്
ഉലുവ -അര ടീസ്പൂണ്‍
അവല്‍-4 ടേബിള്‍സ്പൂണ്‍
ദോശ /ഇഡ്‌ലി മാവ് 2ടേബിള്‍സ്പൂണ്‍
മാവ് തയ്യാറാക്കേണ്ട വിധം
അരിയും ഉഴുന്നും ഉലുവയും വെള്ളം തെളിയുന്നത് വരെ കഴുകിയെടുത്തതിന് ശേഷം വെള്ളത്തില്‍ കുതിര്‍ക്കാന്‍ വയ്ക്കുക.
അരി നാല് തൊട്ട് അഞ്ച് മണിക്കൂര്‍ വരെയും ഉഴുന്ന് മൂന്ന് മണിക്കൂര്‍ നേരവും കുതിര്‍ത്തുക.
മൂന്ന് മണിക്കൂര്‍ കഴിഞ്ഞു ഉഴുന്നിന്റെ വെള്ളം എടുത്ത് ഫ്രിഡ്ജില്‍ വയ്ക്കുക.
അവല്‍ ഒരു പ്രാവശ്യം കഴുകിയാല്‍ മതി.
ഉഴുന്ന് ഒരു കപ്പിന് ഒന്നര കപ്പ് വരെ വെള്ളം ചേര്‍ത് നല്ലതു പോലെ അരയ്ക്കുക. ഫ്രിഡ്ജില്‍ വച്ച് തണുപ്പിച്ച വെള്ളം ചേര്‍ത്ത് അരയ്ക്കണം.
ഉഴുന്ന് ചൂടാവാതെ സോഫ്റ്റ് ആയി അരഞ്ഞിട്ടുണ്ടെങ്കില്‍ മാവിന് മുകളില്‍ കുറെ കുമിളകള്‍ ഉണ്ടാവും.
Also Read : ബ്രേക്ക്ഫാസ്റ്റിന് മോടികൂട്ടാന്‍ ഒരു വൈററ്റി ദോശ; വെറും പത്ത് മിനുട്ടിനുള്ളില്‍ തയ്യാര്‍
ഉഴുന്ന് ചൂടായിട്ടുണ്ടെങ്കില്‍ ഇഡ്ഡലി സോഫ്റ്റാകില്ല.
വെള്ളം ആവശ്യത്തിന് ഒഴിച്ചില്ല എങ്കില്‍ ഇഡ്ഡലി കട്ടി ഉള്ളതായി മാറും.
കുതിര്‍ത്ത് വച്ച അരി റവയുടെ പരുവത്തില്‍ അരച്ചെടുക്കുക.
രണ്ട് കപ്പ് അരിയ്ക്കുമുക്കാല്‍ കപ്പ് വെളളം മതിയാകും. തീരെ അരഞ്ഞു പോകരുത്. അവല്‍ നന്നായി അരച്ചെടുക്കുക
ശേഷം ഒരു ടീസ്പൂണ്‍ ഉപ്പ് ചേര്‍ത്ത് മാവ് നല്ലത്‌പോലെ കൈകൊണ്ടു കലക്കുക.
ഉഴുന്നും അരിയും നല്ലപോലെ മിക്‌സ് ആകാന്‍ രണ്ട് മിനിറ്റ് ഒരേ പോലെ കലക്കണം.
മാവ് പുളിയ്ക്കാന്‍ വയ്ക്കുക 5 മണിക്കൂര്‍ തൊട്ട് 7 മണിക്കൂര്‍ വരെ
മാവ് പുളിച്ചു വന്നതിന് ശേഷം ഒരു ഇഡ്ഡലി തട്ടില്‍ എണ്ണ പുരട്ടി ആവശ്യത്തിന് ഉപ്പും ഇട്ട് മാവ് കോരി ഒഴിയ്ക്കുക.
അഞ്ച് തൊട്ട് ഏഴു മിനിറ്റ് വരെ ആവിയില്‍ വേവിയ്ക്കുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
