സാമ്പാര്‍ ഇഷ്ടമില്ലാത്ത മലയാളികളുണ്ടാകില്ല. നല്ല കിടിലന്‍ രുചിയില്‍ സാമ്പാറുണ്ടെങ്കില്‍ ഉച്ചയ്ക്ക് ചോറുണാണാന്‍ നമുക്ക് മറ്റൊരു കറിയുടേയും ആവശ്യമില്ല. എന്നാല്‍ ചിലപ്പോള്‍ നമ്മള്‍ പ്രതീക്ഷിക്കുന്ന രുചി സാമ്പാറിന് കിട്ടുകയുമില്ല.
Also Read : കല്ല്യാണ സദ്യകള്‍ക്ക് വിളമ്പുന്ന അതേ രുചിയില്‍ അവിയല്‍ ഇനി വീട്ടിലുണ്ടാക്കാം
സാമ്പാറിന്റെ രുചികൂട്ടാനായിട്ട് കായത്തിന്റെ പൊടിയാണ് ഇപ്പോള്‍ എല്ലാവരും ചേര്‍ക്കുന്നത്. സാമ്പാര്‍ മികച്ചതാക്കാന്‍ പെരുംങ്കായം ചെറുചൂടു വെള്ളത്തില്‍ അലിയിച്ച് ചേര്‍ക്കുന്നതാണ് ഏറ്റവും മികച്ചത്. നല കിടിലന്‍ രുചിയില്‍ സാമ്പാര്‍ തയ്യാറാക്കുന്നത് എങ്ങനെയെന്ന് നോക്കിയാലോ
ചേരുവകള്‍
തുവരപ്പരിപ്പ് – 1 കപ്പ്
പച്ചമുളക് – 3 എണ്ണം
ചുവന്നുള്ളി – 100 ഗ്രാം
മഞ്ഞള്‍പ്പൊടി – 1 ടീസ്പൂണ്‍
മുരിങ്ങയ്ക്ക – 5 കഷ്ണങ്ങള്‍
ഉരുളക്കിഴങ്ങ് – 250 ഗ്രാം (കഷണങ്ങളാക്കിയത്)
കത്തിരിക്ക – മൂന്നെണ്ണം (കഷണങ്ങളാക്കിയത്)
വെള്ളരിക്ക -1/4 കപ്പ് (കഷണങ്ങളാക്കിയത്)
വെണ്ടയ്ക്ക – 50 ഗ്രാം
മല്ലിപ്പൊടി – 1 ടീസ്പൂണ്‍
ഉലുവപ്പൊടി – 1 ടീസ്പൂണ്‍
പെരുംങ്കായം
വാളന്‍ പുളി – ഒരു ചെറുനാരങ്ങാവലിപ്പം
കടുക്,വറ്റല്‍ മുളക് – താളിക്കാന്‍
കറിവേപ്പില
വെളിച്ചെണ്ണ – 1 ടീസ്പൂണ്‍
ഉണ്ടാക്കേണ്ട വിധം
പരിപ്പും ചുവന്നുള്ളിയും പച്ചമുളക് കീറിയതും മഞ്ഞള്‍പൊടിയും ചേര്‍ത്ത് വേവിക്കുക.
പിന്നീട് പച്ചക്കറികളരിഞ്ഞത് വേവിച്ച് പകുതിയാകുമ്പോള്‍ മല്ലിപ്പൊടി, മുളക്‌പൊടി, ഉപ്പ് , ഉലുവ എന്നിവ ചേര്‍ക്കുക.
പെരുംങ്കായം ചെറുചൂടു വെള്ളത്തില്‍ അലിയിച്ച് ചേര്‍ക്കുക
വെന്തു കഴിയുമ്പോള്‍ പരിപ്പ് ചേര്‍ത്ത് ഒന്നു കൂടി തിളപ്പിയ്ക്കുക.
തിള വരുന്നതിന് മുന്‍പ് വാളന്‍പുളി പിഴിഞ്ഞത് കൂടി ചേര്‍ക്കുക.
തക്കാളി ഇഷ്ടമാണെങ്കില്‍ ചീനച്ചിട്ടിയിലിട്ട് വാട്ടിയശേഷം ചേര്‍ക്കുക.
കടുക് തിളപ്പിച്ചൊഴിക്കുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
