മുടികൊഴിച്ചില്‍ മാറാനായി പല തരത്തിലുള്ള ഷാമ്പൂകളും ക്രീമുകളുമൊക്കെ പരീക്ഷിച്ചവരാണ് നമ്മളില്‍ പലരും. എങ്കിലും മുടികൊഴിച്ചില്‍ പൂര്‍ണമായും മാറാറില്ല. എന്നാല്‍ മുട്ടയും ഒലീവ് ഓയിലുമുണ്ടെങ്കില്‍ മുടികൊഴിച്ചാല്‍ എളുപ്പം മാറ്റാന്‍ കഴിയും
മുടിയുടെ ആരോഗ്യത്തിന് വളരെ ഗുണം ചെയ്യുന്ന ഒന്നാണ് മുട്ട. പ്രോട്ടീന്‍, വിറ്റാമിന്‍ ബി-12, അയേണ്‍, സിങ്ക്, ഒമേഗ-6 ഫാറ്റി ആസിഡ് എന്നിവ കൊണ്ട് സമ്പുഷ്ടമാണ് മുട്ട
ഉപയോഗിക്കേണ്ട രീതി
ഒരു മുട്ട പൊട്ടിച്ച് നന്നായി കലക്കുക.
ഇതിലേക്ക് ഒരു സ്പൂണ്‍ ഒലിവ് ഓയില്‍ ചേര്‍ക്കുക.
ഒലിവ് ഓയില്‍ ഇല്ലെങ്കില്‍ വെളിച്ചെണ്ണയായാലും മതി.
ഇവയെല്ലാം നന്നായി ഇളക്കി യോജിപ്പിക്കണം.
വളരെ ‘സ്മൂത്ത്’ ആകുന്നത് വരെയും ഇളക്കുക.
ഈ മിശ്രിതം തലയോട്ടിയില്‍ തേച്ചുപിടിപ്പിക്കുക.
മുടിയുടെ വേര് മുതല്‍ അറ്റം വരെയും ഇത് തേക്കണം.
മുപ്പത് മിനുറ്റ് നേരത്തേക്ക് ഇങ്ങനെ തന്നെ വയ്ക്കുക.
ശേഷം ഷാമ്പൂവും വെള്ളവുമുപയോഗിച്ച് കഴുകിക്കളയുക
( ഒരിക്കലും മുട്ട തേച്ചതിന് ശേഷം ചൂടുവെള്ളത്തില്‍ തല കഴുകരുത്. ഇക്കാര്യം പ്രത്യേകം ശ്രദ്ധിക്കണം. )
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
