നമുക്ക് ഒട്ടും സഹിക്കാന്‍ കഴിയാത്ത വേദനയാണ് പല്ല് വേദന. പല്ല് വേദന വന്നാല്‍ പിന്നെ അതിനെ അത്ര പെട്ടെന്നൊന്നും മാറ്റാന്‍ പറ്റില്ല. പല്ലുവേദന മാറ്റാന്‍ മരുന്നുകളും വേദനസംഹാരികളും മാറി മാറി പരീക്ഷിക്കുമ്പോള്‍ അത് എത്രത്തോളം ഫലപ്രദമാകും എന്നത് തന്നെയാണ് സംശയം.
എന്നാല്‍ എത്ര വലിയ പല്ല് വേദനയേയും ഇല്ലാതാക്കാന്‍ ചില പൊടിക്കൈകള്‍ പരീക്ഷിക്കാം. മിനിട്ടുകള്‍ കൊണ്ട് ഇത് പല്ലുവേദനയെ കുറയ്ക്കും എന്നതാണ് സത്യം. എന്തൊക്കെയാണ് ആ പൊടിക്കൈകള്‍ എന്ന് നോക്കാം.
Also Read : യാതൊരനക്കവും ഇല്ല! ഇന്നത്തെ സ്വർണ്ണവില ഇങ്ങനെ…
ഉപ്പും കുരുമുളകും പേസ്റ്റ് രൂപത്തിലാക്കി അത് പല്ലിനു മുകളില്‍ വെയ്ക്കുക. ഇത്തരത്തില്‍ സ്ഥിരമായി കുറച്ച് ദിവസം ചെയ്താല്‍ പല്ലുവേദന പിന്നെ ജീവിതത്തില്‍ ശല്യം ചെയ്യില്ല.
ഗ്രാമ്പൂ പല്ലിനടിയില്‍ കടിച്ചു പിടിയ്ക്കുന്നത് പല്ല് വേദനയെ ലഘൂകരിക്കുന്നു. ഇതിന് കഴിയാത്തവര്‍ ഗ്രാമ്പൂ പൊടിയാക്കി ഒലീവ് എണ്ണയില്‍ മിക്സ് ചെയ്ത് പേസ്റ്റ് രൂപത്തിലാക്കി പല്ലിനു മുകളില്‍ വെയ്ക്കുക.
ഉപ്പുവെള്ളം നമ്മുടെ എല്ലാ തരത്തിലുള്ള ഇന്‍ഫെക്ഷനേയും പ്രതിരോധിയ്ക്കുന്നു. ചെറു ചൂടുവെള്ളത്തില്‍ ഉപ്പിട്ട് കവിള്‍ കൊള്ളുന്നത് പല്ലുവേദനയെ ഇല്ലാതാക്കും.
പേരയ്ക്കയുടെ ഇലയിട്ട് തിളപ്പിച്ച വെള്ളം കവിള്‍ കൊള്ളുന്നതും എന്തുകൊണ്ടും നല്ലതാണ്. ഇതും പല്ലുവേദനയെ പെട്ടെന്ന് തന്നെ ഇല്ലാതാക്കുന്ന പ്രതിവിധിയാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
