ഒന്നിനും പകരം ആകില്ലെങ്കിലും മുന്നോട്ട് പോകാണം; ജോലി കിട്ടിയതിൽ ഒരുപാട് സന്തോഷം ഉണ്ടെന്ന് ശ്രുതി

റവന്യൂ വകുപ്പിൽ ജോലി കിട്ടിയ വിവരം മന്ത്രി കെ രാജനാണ് മെസേജ് അയച്ചു അറിയിച്ചതെന്നും. ജോലി കിട്ടിയതിൽ ഒരുപാട് സന്തോഷം ഉണ്ടെന്നും ശ്രുതി. ഒന്നിനും പകരം ആകില്ലെങ്കിലും മുന്നോട്ട് പോകാൻ ജോലി അത്യാവശ്യം ആണെന്നും ആരോഗ്യപ്രശ്നങ്ങൾ മാറിത്തുടങ്ങിയെന്നും ശ്രുതി പറഞ്ഞു.

ചൂരല്‍മല ഉരുള്‍പൊട്ടലില്‍ അച്ഛനും അമ്മയും സഹോദരിയുമടക്കം ഒന്‍പത് പേരെയാണ് ശ്രുതിക്ക് നഷ്ടമായത്. കോഴിക്കോട്ടെ ജോലി സ്ഥലത്തായിരുന്നതിനാല്‍ ശ്രുതി അപകടത്തില്‍പ്പെട്ടില്ല. ജീവിതത്തിൽ ഒറ്റക്കായി പോയ ശ്രുതിയ്ക്ക് സർക്കാർ നൽകിയ വാക്ക് പാലിച്ചെന്ന് റവന്യൂമന്ത്രി കെ. രാജൻ പറഞ്ഞു.

Also Read: സർക്കാർ വാക്ക് പാലിച്ചിരിക്കുന്നു, ശ്രുതി ഇനി റവന്യൂ കുടുംബത്തിലെ അംഗം; മന്ത്രി കെ രാജൻ

ശ്രുതി റവന്യൂ കുടുംബത്തിലെ അംഗമാണ് ഇനിയെന്നും വയനാട് ജില്ലയിൽ തന്നെ ക്ലാർക്ക് തസ്തികയിൽ ശ്രുതി ജോലിയ്ക്ക് കയറുമെന്നും മന്ത്രി ഫേസ്ബുക്കിൽ പങ്കുവെച്ച കുറുപ്പിൽ പറഞ്ഞു.

Also Read: ശ്രുതിക്ക് സർക്കാർ ജോലി; റവന്യു വകുപ്പിൽ ക്ലർക്കായി നിയമിച്ച് ഉത്തരവിറക്കി സർക്കാർ

ശ്രുതിയെ റവന്യു വകുപ്പിൽ ക്ലർക്കായി നിയമിച്ച് സർക്കാർ ഉത്തരവിറക്കി. നിയമനം നൽകാൻ കളക്ടറെ ചുമതലപ്പെടുത്തിയിട്ടുമുണ്ട്.