കഴക്കൂട്ടം റെയിൽവേ സ്റ്റേഷനിൽ ട്രെയിൻ കയറുന്നതിനിടെ കാൽ വഴുതി ട്രെയിനിനടിയിലേയ്ക്ക് വീണ് യുവതി മരിച്ചു

തിരുവനന്തപുരം: കഴക്കൂട്ടം റെയിൽവേ സ്റ്റേഷനിൽ ട്രെയിൻ കയറുന്നതിനിടെ കാൽ വഴുതി ട്രെയിനിനടിയിലേയ്ക്ക് വീണ് യുവതി മരിച്ചു. രാത്രി 7.45 നായിരുന്നു അപകടം സംഭവിച്ചത്. തമിഴ്നാട് മധുര സ്വദേശിനി കാർത്തികാ ദേവി (35) ആണ് മരിച്ചത്.

ക്രിസ്മസ് – പുതുവത്സര അവധി ആഘോഷിക്കാനായി ബന്ധുക്കളുമൊത്ത് തിരുവനന്തപുരത്ത് എത്തിയതായിരുന്നു യുവതി. തിരികെ നാട്ടിലേക്ക് മടങ്ങവെയാണ് അപകടം സംഭവിച്ചത്.

Also Read: കണ്ണൂരിൽ സ്കൂൾ ബസ് അപകടത്തിൽപ്പെട്ടു; ഒരു വിദ്യാർഥി മരിച്ചു

പുനലൂരിൽ നിന്നും മധുര വരെ പോകുന്ന പുനലൂർ – മധുര പാസഞ്ചർ ട്രെയിൻ കഴക്കൂട്ടം റെയിൽവേ സ്റ്റേഷനിൽ നിന്നും പുറപ്പെട്ടപ്പോൾ ഓടി കയറാൻ യുവതി ശ്രമിച്ചു. എന്നാൽ ട്രെയിനിൽ കയറാൻ ശ്രമിക്കവേ കാൽ വഴുതി പ്ലാറ്റ്ഫോമിനും ട്രെയിനിനും ഇടയിലേയ്ക്ക് യുവതി വീഴുകയായിരുന്നു.

Also Read: എരുമേലിയിൽ ശബരിമല തീർത്ഥാടകർ സഞ്ചരിച്ച മിനി ബസ് മറിഞ്ഞു

തൽക്ഷണം തന്നെ ട്രെയിൻ നിർത്തുകയും, യുവതിയെ ട്രെയിനിന് അടിയിൽ നിന്നും പുറത്തെടുക്കുകയും ചെയ്തു. ഉടൻ തന്നെ തിരുവനന്തപുരം മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.