മഴക്കെടുതി രൂക്ഷം; ഇടുക്കിയിൽ മരം ഒടിഞ്ഞുവീണ് വീട് തകർന്നു

ഇടുക്കി ഉടുമ്പൻ ചോലയിൽ മരം ഒടിഞ്ഞുവീണ് വീട് ഭാഗികമായി തകർന്നു.ഇന്ന് പുലർച്ചയോടുകൂടിയാണ് സംഭവം.ഉടുമ്പൻചോല ഗ്രാമപഞ്ചായത്തിൽ മാവടി മുളകുപാറയിൽ രാമറിൻ്റെ വീടാണ് തകർന്നത് .

സംഭവം നടക്കുമ്പോൾവീടിനുള്ളിൽ ആളുകൾ ഉണ്ടായിരുന്നു . ശബ്ദം കേട്ട് ഓടി മാറിയതിനാൽ വൻ അപകടം ഒഴിവായി.അടുക്കളയോട് ചേർന്ന ഭാഗമാണ് ഇടിഞ്ഞ് വീണത്

Also Read:സംസ്ഥാനത്ത് മഴക്കെടുതി രൂക്ഷം ; അതീവ ജാ​ഗ്രത വേണമെന്ന് നിർദ്ദേശം

അതേസമയം, മഴ കനക്കുന്ന സാഹചര്യത്തിൽ വയനാട് കുറുവ ദ്വീപിലേക്കുളള പ്രവേശനം നിരോധിച്ചു.കബനി നദിയിലെ ജലനിരപ്പ് ഉയർന്നതിനാലാണ് കുറുവയിലെ വിനോദ സഞ്ചാരം താല്കാലികമായി നിരോധിച്ചതെന്ന് സൗത്ത് വയനാട് ഡിവിഷണൽ ഫോറസ്റ്റ് ഓഫീസർ എ. ഷജ്ന അറിയിച്ചു.

Also Read:കണ്ണൂർ സെൻട്രൽ ജയിലിലെ സുരക്ഷാ മതിൽ ഇടിഞ്ഞു വീണു

സംസ്ഥാനത്ത് ഇന്ന് മഴ ശക്തമാകുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. തിരുവനന്തപുരം , കൊല്ലം ഒഴികെയുള്ള മറ്റ് 12 ജില്ലകളിലും ഇന്ന് ഓറഞ്ച് അലർട്ട് പ്രഖ്യാപിച്ചിട്ടുണ്ട്.കൊല്ലം ജില്ലയിൽ യെല്ലോ അലർട്ടാണ്. അടുത്ത മൂന്നു ദിവസം കൂടി അതിശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പ് അറിയിച്ചു.