മത്തി അച്ചാര്‍ ട്രൈ ചെയ്ത് നോക്കൂ, മറ്റ് അച്ചാറുകള്‍ മാറിനില്‍ക്കും

മത്തി വെച്ചുള്ള കറികള്‍ മലയാളികളികളുടെ ഇഷ്ടവിഭവങ്ങളിലൊന്നാണ്. എത്രയൊക്കെ കറികള്‍ രുചിച്ചാലും മലയാളികള്‍ക്ക് മത്തി ഒരു വികാരമാണ്. മത്തി കൊണ്ട് രുചികരമായ അച്ചാര്‍ എങ്ങനെ തയാറാക്കാമെന്ന് നോക്കാം.

ആവശ്യമായ ചേരുവകള്‍

മത്തി(ചാള) 7
മുളകുപൊടി 2 ടീസ്പൂണ്‍
മഞ്ഞള്‍പ്പൊടി 1 ടീസ്പൂണ്‍
കായപ്പൊടി 1/2 ടീസ്പൂണ്‍
കടുക് കാല്‍ ടീസ്പൂണ്‍
ഉലുവ കാല്‍ ടീസ്പൂണ്‍
നല്ലെണ്ണ 2 ടേബിള്‍ സ്പൂണ്‍
വെളുത്തുള്ളി 1 ടേബിള്‍ സ്പൂണ്‍
പച്ചമുളക് 1 എണ്ണം
കറി വേപ്പില ഒരു തണ്ട്
ഉപ്പ് ഒരു ടേബിള്‍ സ്പൂണ്‍
ഇഞ്ചി ഒരു ടേബിള്‍ സ്പൂണ്‍
പഞ്ചസാര 1/2 ടീസ്പൂണ്‍

ALSO READ:പത്ത് മിനുട്ട് മതി, കിടിലന്‍ ചെമ്മീന്‍ അച്ചാര്‍ റെഡി

തയാറാക്കുന്ന വിധം:

നന്നായി കഴുകിയെടുത്ത മത്തിയിലേക്ക് മുളകുപൊടിയും മഞ്ഞള്‍പ്പൊടിയും പാകത്തിന് ഉപ്പും ചേര്‍ത്ത് നല്ലതുപോലെ യോജിപ്പിച്ചെടുക്കുക. അരമണിക്കൂര്‍ മാറ്റി വെയ്ക്കുക. ശേഷം ഒരു പാനിലേക്ക് നല്ലെണ്ണ ഒഴിച്ച് ചൂടായതിനു ശേഷം മത്തി പൊരിച്ചെടുക്കുക. അതിനുശേഷം പൊരിച്ചെടുത്ത എണ്ണയിലേക്ക് കടുക് ഉലുവ എന്നിവ ചേര്‍ത്ത് വറുത്തെടുക്കുക. ശേഷം ഇഞ്ചി വെളുത്തുള്ളി പച്ചമുളക് വഴറ്റിയെടുക്കുക.കറിവേപ്പില കൂടി ചേര്‍ത്ത് വഴറ്റുക. ഇതിലേക്ക് മുളകു പൊടി, മഞ്ഞള്‍പ്പൊടി, കായപ്പൊടി എന്നിവ പച്ചമണം പോകുന്നതു വരെ വഴറ്റിയെടുക്കുക. ഇതിലേക്ക് വിനാഗിരിയും കുറച്ച് ചൂടു വെള്ളവും ചേര്‍ത്ത് നല്ലതുപോലെ തിളപ്പിച്ചെടുക്കുക. ശേഷം പൊരിച്ചെടുത്ത മത്തി അതിലേക്ക് ഇട്ടു യോജിപ്പിച്ചെടുക്കുക.പാകത്തിനു ഉപ്പും പഞ്ചസാരയും ചേര്‍ത്ത് യോജിപ്പിച്ചെടുക്കുക. ചെറുതീയില്‍ ഒരു മുന്ന് മിനിറ്റ് വയ്ക്കുക. നാവില്‍ രുചിയേറും മത്തി അച്ചാര്‍ റെഡി.

NB: അച്ചാര്‍ തയാറാക്കുമ്പോള്‍ ഒരു നുള്ള് പഞ്ചസാര ചേര്‍ത്താല്‍ അച്ചാറിന് രുചി കൂടും.

ALSO READ:വിനാഗിരി ഇല്ലാതെ മുത്തശ്ശിമാരുണ്ടാക്കുന്ന അതേരുചിയില്‍ നാരങ്ങ അച്ചാര്‍ തയ്യാറാക്കാം