ട്വന്റി 20 ചീഫ് കോര്‍ഡിനേറ്റര്‍ സാബു എം ജേക്കബിന്റെ ജാതി അധിക്ഷേപ പ്രസംഗത്തിനെതിരെ ശ്രീനിജിന്‍ എം എല്‍ എ പരാതി നല്‍കി. സാബു ജേക്കബിനെതിരെ പട്ടിക ജാതി പട്ടിക വര്‍ഗ പീഡന നിരോധന നിയമപ്രകാരം കേസെടുക്കണമെന്നാണ് പരാതിയിലെ ആവശ്യം. ജാതി അധിക്ഷേപ പ്രസംഗത്തിനെതിരെ എം എല്‍ എ യുടെ പരാതി കൂടാതെ മറ്റൊരു പരാതി കൂടി പുത്തന്‍കുരിശ് പൊലീസിന് ലഭിച്ചിട്ടുണ്ട്.
ALSO READ:ബക്കറ്റിലെ വെള്ളത്തില്‍ വീണ് ഒരു വയസ്സുകാരിക്ക് ദാരുണാന്ത്യം
കഴിഞ്ഞ ഞായറാഴ്ച പുത്തന്‍കുരിശില്‍ നടന്ന ട്വന്റി – 20 സമ്മേളനത്തിനിടെയായിരുന്നു ശ്രീനിജന്‍ എം എല്‍ എ യ്‌ക്കെതിരെ, സാബു എം ജേക്കബ് ജാതീയമായ പരാമര്‍ശം നടത്തിയത്. തുടര്‍ന്ന്, ശ്രീനിജന്‍ എം എല്‍ എ പരാതിയുമായി പൊലീസിനെ സമീപിക്കുകയായിരുന്നു. ട്വന്റി 20 സമ്മേളനത്തില്‍ പ്രസംഗിക്കവെ തന്നെ ജാതീയമായും വംശീയമായും അധിക്ഷേപിച്ചെന്നാണ് പി വി ശ്രീനിജന്റെ പരാതി. സംഭവത്തില്‍ പട്ടിക ജാതി പീഡന നിരോധന നിയമ പ്രകാരം കേസെടുക്കണമെന്നാണ് പരാതിയിലെ ആവശ്യം. എം എല്‍ എ പുത്തല്‍ കുരിശ് ഡിവൈഎസ്പിയ്ക്ക് ആണ് പരാതി കൈമാറിയത്.
മറ്റൊരു വേദിയില്‍ വെച്ച് സാബു ജേക്കബ് ജാതി അധിക്ഷേപം നടത്തിയതായി ചൂണ്ടിക്കാട്ടി നേരത്തെയും പി വി ശ്രീനിജിന്‍ എം എല്‍ എ പരാതി നല്‍കിയിരുന്നു. എം എല്‍ എയുടെ പരാതിയില്‍ സാബു ജേക്കബിനെതിരെ പുത്തന്‍കുരിശ് പൊലീസ് കേസെടുക്കുകയും ചെയ്തിരുന്നു.
ഇതേ സംഭവത്തില്‍ മറ്റൊരു പരാതിയും പൊലീസിന് മുമ്പാകെ എത്തിയിട്ടുണ്ട്. പുത്തന്‍കുരിശ് സ്വദേശിനി ശ്രുതി ശ്രീനിവാസാണ് ഈ പരാതിക്കാരി. സാബുവിന്റെ പരാമര്‍ശങ്ങള്‍ താനുള്‍പ്പെടുന്ന പട്ടികജാതി വിഭാഗത്തിന്റെ ആത്മാഭിമാനത്തെ ചോദ്യം ചെയ്യുന്നതാണന്നും അതിനാല്‍ സാബു ജേക്കബിനെതിരെ പട്ടികജാതി പട്ടിക വര്‍ഗ പീഡന നിരോധന നിയമപ്രകാരം കേസെടുക്കണമെന്നും ഇവരുടെ പരാതിയില്‍ ചൂണ്ടിക്കാട്ടിയിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
