കോട്ടയം പൂഞ്ഞാർ തെക്കേക്കര മുതുകോരമലയിൽ സന്ദർശനത്തിന് പോയ യുവാക്കൾ കുടുങ്ങി. രണ്ട് യുവാക്കളാണ് കുടുങ്ങിയത്. ഈരാറ്റുപേട്ട സ്വദേശികളായ നിഖിൽ നിർമ്മൽ എന്നിവരാണ് മലയില്‍ അകപ്പെട്ടത്. വ‍ഴിയറിയാതെ നിന്ന ഇവരുടെ ഫോണില്‍ ഇടയ്ക്ക് റേഞ്ച് ലഭിച്ചത് തുണയായി. ഈ സമയം യുവാക്കള്‍ ഫയര്‍ഫോ‍ഴ്സിനെ വിവരമറിയിച്ചു.
പിന്നാലെ സ്ഥലത്തെത്തിയ ഈരാറ്റുപേട്ട ഫയർഫോഴ്സും ടീമും എമർജൻസി പ്രവർത്തകരും തിരച്ചിൽ ആരംഭിച്ചു. മഴയും കോടമഞ്ഞും രക്ഷാ പ്രവർത്തനത്തിന് തടസമായെങ്കിലും യുവാക്കളെ സംഘം കണ്ടെത്തി. ഇരുവരെയും കൂട്ടി ദൗത്യ സംഘം മലയിറങ്ങി.
ALSO READ: കെപിപിഎൽ ഫാക്ടറിയിലെ തീപിടിത്തം; തുടർനടപടി അന്തിമ റിപ്പോർട്ടിന് ശേഷം: മന്ത്രി പി രാജീവ്
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
