യുഎഇയില്‍ ജനുവരി മാസത്തെ പെട്രോള്‍, ഡീസല്‍ നിരക്കുകള്‍ പ്രഖ്യാപിച്ചു. യുഎഇ ഇന്ധന വില സമിതിയാണ് 2025 ജനുവരി മാസത്തെ ഇന്ധന വില പ്രഖ്യാപിച്ചത്. ഡിസംബറിലെ ഇന്ധന വിലയിൽനിന്ന് മാറ്റമില്ലാതെ തുടരുന്ന പുതിയ നിരക്കുകൾ ജനുവരി 1 മുതൽ ബാധകമായിരിക്കും. സൂപ്പർ 98 പെട്രോളിന് ലിറ്ററിന് 2.61 ദിർഹമാണ് വില. സ്പെഷ്യൽ 95 പെട്രോൾ ലിറ്ററിന് 2.50 ദിർഹം. ഇ-പ്ലസ് 91 പെട്രോൾ ലിറ്ററിന് 2.43 ദിർഹമാകും. ഡീസൽ ലിറ്ററിന് 2.68 ദിർഹം ഈടാക്കും.
Also read: കുവൈറ്റ്: പ്രവാസികൾക്ക് ഡിജിറ്റൽ ഡ്രൈവിങ് ലൈസൻസ് ഔദ്യോഗിക രേഖയായി ഉപയോഗിക്കാം
അതേസമയം, കോടികൾ സമാഹരിച്ച് ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റിയുടെ നമ്പർ പ്ലേറ്റ് ലേലം. വേറിട്ട നമ്പറുകൾ വിൽക്കാൻ ആർടിഎ സംഘടിപ്പിച്ച ലേലത്തിൽ സമാഹരിച്ചത് 81.17 ദശലക്ഷം ദിർഹമാണ്. ലേലത്തിൽ BB 55 എന്ന നമ്പറിലുള്ള പ്ലേറ്റിനാണ് ഏറ്റവും ഉയർന്ന തുക ലഭിച്ചത്. വാശിയേറിയ ലേലത്തിൽ BB 55 ലേലം കൊണ്ടത് 6.3 ദശലക്ഷം ദിർഹത്തിനാണ്.
AA 21 എന്ന പ്ലേറ്റ് 6.16 മില്യൺ ദിർഹത്തിനും BB 100 പ്ലേറ്റ് 5 മില്യൺ ദിർഹത്തിനും , BB 11111 എന്ന പ്ലേറ്റ് 4.21 മില്യൺ ദിർഹത്തിനുമാണ് ലേലത്തിൽ പോയത്. AA, BB, K, O, T, U, V, W, X, Y, Z എന്നീ കോഡുകളിലായി രണ്ട്, മൂന്ന്, നാല്, അഞ്ച് അക്കങ്ങൾ ഉൾക്കൊള്ളുന്ന 90 പ്രീമിയം നമ്പർ പ്ലേറ്റുകളാണ് ആർടിഎ ലേലത്തിൽ വെച്ചത്.
വാഹന ഉടമകൾക്ക് അവരുടെ ജീവിതത്തിലെ നാഴികക്കല്ലുകളെയോ ചിഹ്നങ്ങളെയോ മൂല്യവത്തായ സംഭവങ്ങളെയോ പ്രതിനിധീകരിക്കുന്ന നമ്പർ പ്ലേറ്റുകൾ തെരഞ്ഞെടുക്കാനുള്ള അവസരമാണ് ലേലത്തിലൂടെ ഒരുക്കിയതെന്ന് ആർടിഎ വ്യക്തമാക്കി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
