ഷെയ്ഖ് സയീദ് ബിന്‍ സായിദ് അല്‍ നഹ്യാന്റെ വിയോഗത്തിൽ മൂന്ന് ദിവസത്തെ ഔദ്യോഗിക ദുഃഖാചരണം പ്രഖ്യാപിച്ച് യുഎഇ. ഇന്നു മുതല്‍ ഈ മാസം 29 വരെ യുഎഇ ദേശീയ പതാക പകുതി താഴ്ത്തിക്കെട്ടും. വ്യാഴാഴ്ച പുലര്‍ച്ചെയായിരുന്നു ഷെയ്ഖ് സായീദിന്റെ അന്ത്യം. യുഎഇ പ്രസിഡന്റിന്റെ സഹോദരനും അബുദാബി ഭരണാധികാരിയുടെ പ്രതിനിധിയുമാണ്.
സഹോദരന്റെ വിയോഗത്തില്‍ ഷെയ്ഖ് മുഹമ്മദ് ബിന്‍ സെയ്ദ് അല്‍ നഹ്യാന്‍ അനുശോചിച്ചു. മറ്റ് ജിസിസി രാഷ്ട്രത്തലവന്‍മാരും അനുശോചനം രേഖപ്പെടുത്തി. കഴിഞ്ഞ കുറച്ച് നാളുകളായി ഷെയ്ഖ് സയീദിനെ ആരോഗ്യപ്രശ്‌നങ്ങള്‍ അലട്ടിയിരുന്നു. ഈ മാസം 22ന് അദ്ദേഹത്തെ ആശുപത്രിയില്‍ പ്രവേശിപ്പിച്ചതായി പ്രസിഡന്‍ഷ്യല്‍ കോടതി അറിയിച്ചിരുന്നു.
ALSO READ: മദ്യവർജ്ജനമാണ് സർക്കാരിന്റെ ലക്ഷ്യം; കള്ള് ചെത്ത് മേഖല പ്രതിസന്ധിയിൽ; എം ബി രാജേഷ്
അബുദാബിയിലെ ആസൂത്രണ വകുപ്പിന്റെ അണ്ടര്‍ സെക്രട്ടറിയായിരുന്നു. തുറമുഖ വകുപ്പിന്റെ ചെയര്‍മാൻ, യുഎഇ ഫുട്‌ബോള്‍ അസോസിയേഷന്റെ പ്രസിഡന്റ് , അബുദാബി എക്സിക്യൂട്ടീവ് കൗണ്‍സില്‍ അംഗം, അബുദാബി കൗണ്‍സില്‍ ഫോര്‍ ഇക്കണോമിക് ഡവലപ്മെന്റ്, അല്‍ വഹ്ദ സ്പോര്‍ട്സ് ക്ലബിന്റെ ചെയര്‍മാന്‍ എന്നീ നിലകളിലും ഷെയ്ഖ് സായീദ് സേവനം അനുഷ്ഠിച്ചിട്ടുണ്ട് .
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
