ആർ ഡി എക്സിനെ പുകഴ്ത്തി ഉദയനിധി സ്റ്റാലിൻ

മലയാളത്തിന്റെ യുവതാരങ്ങൾ തകർത്തഭിനയിച്ച ആക്ഷൻ ചിത്രം RDX മികച്ച അഭിപ്രായം നേടി മുന്നേറുകയാണ്. ഓണം റിലീസുകളിൽ ഏറ്റവും മികച്ച പ്രേക്ഷക റിപ്പോർട്ടുകളും ഈ ചിത്രത്തിന് തന്നെയായിരുന്നു.റിലീസ് ദിവസം മുതൽ തന്നെ ചിത്രം കാണുവാനായി വൻ തിരക്കാണ് തിയറ്ററുകളിൽ അനുഭവപ്പെട്ടത്.ചിത്രം ആദ്യദിനം ഏകദേശം 1.25കേടി രൂപയാണ് നേടിയത്.ലോകമെമ്പാടുമായി ഏകദേശം 24 കോടി ചിത്രം നേടിയെന്നാണ് ട്രേഡ് അനലിസ്റ്റുകൾ പറയുന്നത്.നഹാസ് ഹിദായത്ത് ആയിരുന്നു ചിത്രത്തിന്റെ സംവിധായകൻ.

also read:പ്രവാസി മലയാളികൾക്ക് ഇരട്ടി സന്തോഷം;ഓണാശംസയുമായി ദുബായ് കീരീടാവകാശി

ഷെയ്ൻ നി​ഗം, ആന്റണി വർ​ഗീസ്, നീരജ് മാധവ് എന്നിവരാണ് ചിത്രത്തിലെ കേന്ദ്ര കഥാപാത്രങ്ങൾ.ഇപ്പോഴിതാ സിനിമ വിജയകരമായി പ്രദർശനം തുടരുന്നതിനിടെ സിനിമയെ പുകഴ്ത്തി എത്തിയിരിക്കുകയാണ് ഉദയനിധി സ്റ്റാലിൻ.

“RDX മലയാളം സിനിമ കൊള്ളാം, ഇന്ത്യയിലെ മികച്ച ആയോധന കല/ആക്ഷൻ സിനിമ! തിയറ്ററിൽ പോയി തന്നെ സിനിമ കാണൂ, പിന്തുണയ്ക്കൂ. RDX ടീമിന് അഭിനന്ദനങ്ങൾ”, എന്നാണ് ഉദയനിധി തന്റെ സോഷ്യൽ മീഡിയയിൽ കുറിച്ചത്.

also read:ചൈനയുടെ പുതിയ ഭൂപടത്തില്‍ കേന്ദ്ര സര്‍ക്കാരിനെതിരെ രാഹുല്‍

അതേസമയം ഉദയനിധിയുടെ ഈ പോസ്റ്റ് നീരജ് മാധവ് പങ്കുവച്ചിട്ടുമുണ്ട്. “വളരെ നന്ദി സർ. ആർഡിഎക്സ് കേരളത്തിന് പുറത്ത് അംഗീകരിക്കപ്പെട്ടതിൽ ഞങ്ങൾ അഭിമാനിക്കുന്നു” എന്നാണ് പോസ്റ്റ് ഷെയർ ചെയ്ത നീരജ് കുറിച്ചത്.