സജി മഞ്ഞക്കടമ്പിലിനെ തള്ളി പറയാതെ പുതിയ ജില്ലാ ചെയർമാനെ നിശ്ചയിച്ച് യു.ഡി.എഫ് കോട്ടയം ജില്ലാ നേതൃത്വം. ജില്ലാ യോഗത്തിൽ ജോസഫ് ഗ്രൂപ്പിനെ രൂക്ഷമായി വിമർശിച്ച് കോൺഗ്രസ് നേതാക്കൾ. പാർട്ടിയിലെ പ്രശ്നങ്ങൾ പൊട്ടിതെറിയിലേക്ക് നീങ്ങാതെ പരിഹരിക്കന്നമെന്ന വികാരമാണ് ജോസഫ് ഗ്രൂപ്പിന് എതിരെ ഉയർന്നത്.
സജി മഞ്ഞക്കടമ്പിൽ രാജിവച്ച രാഷ്ട്രീയ പ്രതിസന്ധി പരിഹരിക്കാനാണ് യുഡിഎഫ് കോട്ടയം ജില്ല നേതൃയോഗം വിളിച്ചു ചേർത്തത്. ഈ യോഗത്തിൽ ജോസഫ് ഗ്രൂപ്പിന് എതിരെ രൂക്ഷ വിമർശനമാണ് ഉയർന്നത്. പ്രശ്നങ്ങൾ പറഞ്ഞു പരിഹരിക്കുന്നതിൽ ജോസഫ് ഗ്രൂപ്പ് പരാജയപ്പെട്ടെന്നായിരുന്നു വിമർശനം. സജിയുടെ രാജി മൂന്നണിയെ കടുത്ത പ്രതിസന്ധിയിൽ ആക്കിയതായും കോൺഗ്രസ് നേതാക്കൾ പറഞ്ഞു. യോഗ ശേഷം നടന്ന വാർത്ത സമ്മേളനത്തിനും ജോസഫ് ഗ്രൂപ്പിലെ പ്രശ്നങ്ങളാണ് രാജിയിൽ കലാശിച്ചതെന്നും തിരുവഞ്ചൂർ സൂചിപ്പിച്ചു.
സജിയെ മടക്കി കൊണ്ടുവരുവാനുള്ള നീക്കം പരാജയപ്പെട്ടതോടെയാണ് പുതിയ ജില്ലാ ചെയർമാനെ യു.ഡി.എഫ് നിശ്ചയിച്ചത്. ജോസഫ് ഗ്രൂപ്പിലെ ഇ.ജെ.അഗസ്റ്റിക്കാണ് പുതിയ ചുമതല. വാർത്ത സമ്മേളനത്തിൽ യു.ഡി.എഫ് നേതാക്കൾ സജിയെ കടന്നാക്രമിക്കാതിരുന്നതും ശ്രദ്ധേയമായി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
