2024 ഡിസംബറിൽ ആരംഭിക്കുന്ന യുജിസി- നാഷണൽ എലിജിബിലിറ്റി ടെസ്റ്റിൽ (നെറ്റ്) യൂണിവേഴ്സിറ്റി ഗ്രാൻ്റ്സ് കമ്മീഷൻ (യുജിസി) ആയുർവേദ ബയോളജി പുതിയ വിഷയമായി പ്രഖ്യാപിച്ചു. വിദഗ്ധ സമിതിയുടെ ശുപാർശകളെ തുടർന്ന് ജൂൺ 25-ന് നടന്ന യുജിസിയുടെ 581-ാമത് യോഗത്തിലാണ് ഈ തീരുമാനത്തിന് അംഗീകാരം ലഭിച്ചത്.
ഉന്നത വിദ്യാഭ്യാസത്തിൽ പരമ്പരാഗത ഇന്ത്യൻ വിജ്ഞാനം ഉൾപ്പെടുത്തുന്നതിൻ്റെ ഭാഗമാണ് തീരുമാനമെന്ന് യുജിസി പറയുന്നു. ഈ നീക്കം കൂടുതൽ വിദ്യാർഥികളെ ആയുർവേദത്തിലും അനുബന്ധ മേഖലകളിലും പഠിക്കാൻ പ്രേരിപ്പിക്കുകയും ഗവേഷണവും നവീകരണവും വർധിപ്പിക്കുകയും ചെയ്യും. ഈ വിഷയത്തിൻ്റെ സിലബസ് ഇപ്പോൾ യുജിസി-നെറ്റ് വെബ്‌സൈറ്റിൽ ലഭ്യമാണ്.
അഞ്ച് വർഷത്തെ സംയോജിത ബിഎസ്‌സി- എംഎസ്‌സി പ്രോഗ്രാമാണ് ആയുർവേദ ബയോളജി. ഈ ബിരുദം നേടുമ്പോൾ യുജിസി നെറ്റ് എഴുതാനും പിഎച്ച്ഡി നേടാനും സർവകലാശാലകളിൽ ആയുർവേദവും ബയോളജിയും പഠിപ്പിക്കാനും കഴിയുമെന്നും യുജിസി ചെയർമാൻ പ്രൊഫസർ ജഗദേഷ് കുമാർ പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
