ബോക്സോഫീസിൽ കനത്ത പരാജയം നേരിട്ട് ഉണ്ണി മുകുന്ദൻ ചിത്രം ജയ് ഗണേഷ്. ഒടിടി റിലീസിന് തയാറെടുക്കുന്ന ചിത്രത്തിന് വെറും മുടക്ക് മുതൽ മാത്രമാണ് ലഭിച്ചിട്ടുള്ളത്. മാളികപ്പുറം സിനിമയിൽ ചെയ്തത് പോലെ വിശ്വാസികളെ ചൂണ്ടയിട്ട് പിടിക്കാൻ ജയ് ഗണേഷ് എന്ന് ചിത്രത്തിന് പേര് നൽകിയിട്ടും ഗുണം ഉണ്ടായില്ല എന്നാണ് പുറത്തു വരുന്ന റിപ്പോർട്ടുകൾ സൂചിപ്പിക്കുന്നത്.
വലിയ പ്രതീക്ഷകളോടെ പുറത്തിറങ്ങിയ ചിത്രം ഇതുവരേക്കും എവിടെയും ചർച്ചയാവുകയോ, വേണ്ടത്ര കളക്ഷൻ നേടുകയോ ചെയ്തിട്ടില്ല. ജയ് ഗണേഷിനൊപ്പം റിലീസ് ചെയ്ത ആവേശം 150 കോടി രൂപയാണ് ഇതുവരെ നേടിയിരിക്കുന്നത്. 80.25 കോടി രൂപയാണ് വര്‍ഷങ്ങള്‍ക്ക് ശേഷം എന്ന വിനീത് ചിത്രം ഇതുവരെ തിയേറ്ററില്‍ നിന്നും നേടിയത്.
അതേസമയം, 35 കോടിക്കാണ് ഫഹദിന്റെ ആവേശം ആമസോൺ പ്രൈം എടുത്തത്. കിംഗ് ഓഫ് കൊത്തയുടെ 32 കോടി എന്ന റെക്കോർഡ് ആണ് ആവേശം തകർത്തത്. തിയേറ്ററിൽ ദിവസേന ഒരു കോടിയോളം കളക്ഷൻ ലഭിക്കുന്ന സമയത്താണ് ചിത്രം ഒടിടിയിലും റിലീസ് ചെയ്തത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
