വിമാനത്തിലെ ശൗചാലയത്തിലിരുന്ന് പുകവലിച്ച യുപി സ്വദേശി പിടിയില്‍. ഉത്തര്‍പ്രദേശ് ഗാസിയാബാദ് സ്വദേശി മനോജ് ഗുപ്തയെ(63) യാണ് പൈലറ്റിന്റെ പരാതിയെ തുടര്‍ന്ന് തിരുവനന്തപുരം വിമാനത്താവളത്തില്‍ നിന്ന് പിടികൂടിയത്. ദില്ലിയില്‍ നിന്ന് തിരുവനന്തപുരത്ത് എത്തിയ വിസ്താര എയര്‍ലൈന്‍സിലെ യാത്രക്കാരനായിരുന്നു പ്രതി.
ALSO READ:കാസർഗോഡ് രേഖകളില്ലാതെ കടത്താൻ ശ്രമിച്ച 30 കിലോ ചന്ദനം പിടികൂടി; ഒരാൾ കസ്റ്റഡിയിൽ
ശനിയാഴ്ച രാവിലെ 11.40- ഓടെയാണ് സംഭവമുണ്ടായത്. ഇയാള്‍ യാത്രയ്ക്കിടയില്‍ വിമാനത്തിലെ ശൗചാലയത്തിലെത്തി പുകവലിച്ചിരുന്നു. പൈലറ്റിന് ഇവിടെ സ്ഥാപിച്ചിട്ടുളള സെന്‍സറില്‍ നിന്ന് കോക്ക് പിറ്റില്‍ മുന്നറിയിപ്പ് സന്ദേശം ലഭിച്ചു. തുടര്‍ന്ന് പൈലറ്റ് ഈ വിവരം ജീവനക്കാരെ അറിയിച്ചു. വിമാനമെത്തിയശേഷം സുരക്ഷ ജീവനക്കാരെത്തി യാത്രക്കാരനെ തടഞ്ഞുവെക്കുകയും വലിയതുറ പൊലീസിന് കൈമാറുകയും ചെയ്തു.
ALSO READ:നാളെ നടക്കാനിരുന്ന നീറ്റ് പി ജി പരീക്ഷ മാറ്റിവെച്ചു
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
