അമേരിക്കയിലെ ന്യൂഓർലിയൻസിൽ പുതുവത്സരദിനത്തിൽ ആൾക്കൂട്ടത്തിലേക്ക് ട്രക്ക് ഇടിച്ചുകയറിയുണ്ടായ അപകടത്തിൽ മരണം 15 ആയി ഉയർന്നു. അപകടമുണ്ടാക്കിയ വാഹനത്തിനുള്ളിൽ നിന്നും ഭീകരസംഘടനയായ ഐഎസിൻ്റെ കൊടി കണ്ടെത്തിയതായി എഫ്ബിഐ അറിയിച്ചിട്ടുണ്ട്.
കഴിഞ്ഞ ദിവസം ഫ്രഞ്ച് ക്വാര്‍ട്ടര്‍ എന്നറിയപ്പെടുന്ന നഗരത്തിന്റെ ഒരു ഭാഗത്ത് കനാല്‍, ബര്‍ബണ്‍ സ്ട്രീറ്റ് എന്നിവ കൂടിച്ചേരുന്ന ഇടത്താണ് ദുരന്തമുണ്ടായത്. ജനക്കൂട്ടം പുതുവത്സരം ആഘോഷിക്കുന്ന വേളയിൽ അക്രമി പിക്കപ്പ് ട്രക്ക് അതിവേഗത്തില്‍ ഓടിച്ചുകയറ്റുകയായിരുന്നു. ഇതിന് പിന്നാലെ ഇയാൾ ആൾക്കൂട്ടത്തിലേക്ക് വെടിയുതിർക്കുകയും ചെയ്തു.
ALSO READ; ഡോണൾഡ് ട്രംപിൻ്റെ ഹോട്ടലിന് മുന്നിൽ സ്ഫോടനം; ഒരാൾ കൊല്ലപ്പെട്ടു
അക്രമിയെ പൊലീസ് പിന്നീട് വധിച്ചുരുന്നു.സംഭവത്തിൽ 30 പേർക്ക് പരുക്ക് പറ്റിയിട്ടുണ്ട്.ഇവർ വിവിധ ഇടങ്ങളിൽ ചികിത്സയിൽ കഴിയുകയാണ്. വാഹനത്തിൻ്റെ ട്രെയിലറിൽ ഐഎസ് പതാക കണ്ടെത്തിയതായി വാർത്താ ഏജൻസി എപി റിപ്പോർട്ട് ചെയ്തിട്ടുണ്ട്.തോക്ക് അടക്കമുള്ള മറ്റ് ചില ആയുധങ്ങളും കണ്ടെത്തിയിട്ടുണ്ടെന്നാണ് വിവരം.
അതേസമയം ഈ അന്വേഷണം മറ്റൊരു തലത്തിലേക്ക് കൂടി ഇപ്പോൾ കടന്നിട്ടിണ്ട്. നിയുക്ത അമേരിക്കൻ പ്രസിഡൻ്റ് ഡോണൾഡ് ട്രംപിൻ്റെ ലാസ് വെഗാസിലെ ഹോട്ടലിന് മുന്നിൽ ഉണ്ടായ സ്ഫോടനത്തിൽ ഒരാൾ കൊല്ലപ്പെട്ടിരുന്നു.ഈ സംഭവത്തിന് ന്യൂഓർലിയൻസിലെ സംഭവവുമായി ബന്ധമുണ്ടോ എന്ന കാര്യവും പൊലീസ് ഇപ്പോൾ അന്വേഷിക്കുന്നുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
