ഡിവൈഎഫ്ഐയുടെ പൊതിച്ചോർ വിതരണം അഞ്ചുവർഷം പൂർത്തീകരിച്ചിരിക്കുന്നു. 2018 ൽ ആണ് കോട്ടയം മെഡിക്കൽ കോളേജിൽ ഡിവൈഎഫ്ഐ പൊതിച്ചോറ് വിതരണം ആരംഭിക്കുന്നതെന്ന് മന്ത്രി വി എൻ വാസവൻ പങ്കുവെച്ച ഫേസ്ബുക് പോസ്റ്റിൽ വ്യക്തമാക്കി. കോവിഡ് കാലത്ത് നിയന്ത്രണങ്ങൾ വന്നപ്പോൾ ‘അഭയ’മായിരുന്നു ഭക്ഷണം നൽകിയിരുന്നതെന്നും അന്നും ഭക്ഷണ വിതരണത്തിന് യുവജനപ്രസ്ഥാനത്തിന്റെ പ്രിയ സഖാക്കളായിരുന്നു മുൻ നിരയിൽ ഉണ്ടായിരുന്നതെന്നും മന്ത്രി കുറിച്ചു.
ദിവസവും മുടങ്ങാതെ ദിവസം 3500 ലേറെ പൊതിച്ചോറ് ഡിവൈഎഫ്ഐ ഇവിടെ വിതരണം ചെയ്യുന്നുണ്ട്. ആശുപത്രിയിലെത്തുന്ന രോഗികൾക്കും കൂട്ടിരുപ്പുകാർക്കും ഇത് ഏറെ ആശ്വാസകരമാണെന്നും മന്ത്രി വ്യക്തമാക്കി. മെഡിക്കൽ കോളേജിൽ കേക്ക് മുറിച്ചു ക്രിസ്മസ് ആഘോഷത്തിൽ പങ്കുചേർന്നതായും മന്ത്രി പറഞ്ഞു. ഇതിനു പിന്നിൽ പ്രവർത്തിക്കുന്ന മന്ത്രി അഭിനന്ദിക്കുകയും ചെയ്തു.
മന്ത്രി വി എൻ വാസവന്റെ ഫേസ്ബുക് പോസ്റ്റ്
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
