തലസ്ഥാന നഗരിയിൽ എങ്ങും കേരളീയത്തിന്റെ വിശേഷങ്ങളാണ്. വ്യത്യസ്ത കലാപരിപാടികളും കാഴ്ചകളുമൊക്കെയായി കേരളീയം കാണികൾക്ക് മുന്നിൽ വൈവിധ്യങ്ങൾ തീർത്തു കൊണ്ടിരിക്കുകയാണ്. കേരളീയത്തിന്റെ മറ്റൊരു ആകർഷണീയത വിവിധ തരം ഭക്ഷണങ്ങൾ ലഭിക്കുന്ന ഫുഡ് സ്പോട്ടുകൾ.
ALSO READ:1,300 പൊലീസ് ഉദ്യോഗസ്ഥർ, 300 എന്‍സിസി വോളണ്ടിയര്‍; സുരക്ഷയിലും ‘കേരളീയം’ മുന്നിൽ
ഇപ്പോഴിതാ കേരളീയത്തിന്റെ ഭാഗമായി നടക്കുന്ന ഫുഡ് കോർട്ടിൽ നിന്ന് മുട്ടമാല കഴിച്ചതിന്റെ വിശേഷം പങ്കുവെച്ചിരിക്കുകയാണ് മന്ത്രി വി എൻ വാസവൻ. മന്ത്രി പങ്കുവെച്ച ഫേസ്ബുക് പോസ്റ്റിൽ ടാഗോർ തിയേറ്ററിലെ സഹകരണ ഫുഡ് കോർട്ടിൽ പുതുപ്പാടി സർവീസ് സഹകരണ ബാങ്കിന്റെ സ്റ്റാളിൽ നിന്നും രുചികരമായ മുട്ട മാല കഴിച്ചു എന്നാണ് മന്ത്രി കുറിച്ചത്.
കൂടാതെ ഒട്ടനവധി സംഘങ്ങളുടെ രുചികരമായ വിഭവങ്ങൾ 13 സ്റ്റാളുകളിലായി സഹകരണ ഫുഡ് കോർട്ടിൽ ഒരുക്കിയിട്ടുണ്ടെന്ന വിവരം മന്ത്രി വ്യക്തമാക്കി. ഒപ്പം ഫുഡ് ഫെസ്റ്റിൽ ലഭിക്കുന്ന കാസർഗോഡ്, കോഴിക്കോട്, പാലക്കാട്, ആലപ്പുഴ, പത്തനംതിട്ട ജില്ലകളുടെ രുചി വിഭവങ്ങളുടെ പേരുകളും മന്ത്രി കുറിച്ചു.ഒരുവട്ടമെങ്കിലും ഈ രുചികൾ ആസ്വദിക്കണം എന്നാണ് മന്ത്രി പറയുന്നത് .
മന്ത്രി വി എൻ വാസവന്റെ ഫേസ്ബുക് പോസ്റ്റ്
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
