അമ്പലക്കര ഫിലിംസിന്റെ ബാനറില്‍ ബൈജു അമ്പലക്കര, അനില്‍ അമ്പലക്കര എന്നിവര്‍ നിര്‍മ്മിച്ച്, രഞ്ജിത്തിന്റെ തിരക്കഥയില്‍ ഷാജി കൈലാസ് സംവിധാനം ചെയ്ത മമ്മൂട്ടി നായകനായ വല്യേട്ടന്‍ എന്ന ചിത്രം പ്രദര്‍ശനത്തിനെത്തിയിട്ട് ഇരുപത്തിയഞ്ചു വര്‍ഷം പൂര്‍ത്തിയാകുന്ന വര്‍ഷമാണിത്.
വന്‍ വിജയം നേടിയ ഈ ചിത്രം ഇപ്പോള്‍ ആധനികസാങ്കേതികവിദ്യകളുടെ സഹായത്തോടെ 4കെ ഡോള്‍ബി അറ്റ്‌മോസ് സിസ്റ്റത്തില്‍ വീണ്ടും പ്രദര്‍ശനത്തിനെത്തുകയാണ്. അതിന്റെമുന്നോടി യായി ഈ ചിത്രത്തിലെ ഏറ്റവും പോപ്പുലറായ ഗാനം ഇപ്പോള്‍ പുറത്തുവിട്ടിരിക്കുന്നു.
ALSO READ: ഇന്ന് തിരുവോണം; ഏവര്‍ക്കും കൈരളി ഓണ്‍ലൈന്റെ ഓണാശംസകള്‍!
ചിത്രത്തിലെ കേന്ദ്ര കഥാപാത്രമായ അറയ്ക്കല്‍ മാധവനുണ്ണിയും സഹോദരന്മാരും ചേര്‍ന്നുള്ള ഒരാഘോഷമാണ് ഈ ഗാനത്തിന്റെ സന്ദര്‍ഭം. ഗിരീഷ് പുത്തഞ്ചേരി രചിച്ച്, മോഹന്‍ സിതാര ഈണമിട്ട് എം.ജി. ശ്രീകുമാറും സംഘവും പാടിയ മാനത്തെ മണിത്തുമ്പമുട്ടില്‍ മേട സൂര്യനോ…. നിറനാഴിപ്പൊന്നിന്‍ മാണിക്യ തിരിത്തുമ്പു നീട്ടി പൊന്‍വെയില്‍ എന്ന ഗാനമാണ് ഇപ്പോള്‍ പുറത്തുവിട്ടിരിക്കുന്നത്. ജനങ്ങള്‍ എന്നും ചുണ്ടില്‍ മൂളുന്ന ഈ ഗാനത്തിന്റെ ദൃശ്യാവിഷ്‌ക്കാരണവും ഏറെ കൗതുകം നിറഞ്ഞതായിരുന്നു.
ഈ ഗാനത്തില്‍ മമ്മൂട്ടി സിദ്ദിഖ്, മനോജ്.കെ. ജയന്‍, വിജയകുമാര്‍, സുധീഷ് എന്നിവരാണ് അഭിനയിച്ചിരിക്കുന്നത്. ശോഭന, പൂര്‍ണ്ണിമാ ഇന്ദ്രജിത്ത്, എന്‍.എഫ്.വര്‍ഗീസ്, കലാഭവന്‍ മണി തുടങ്ങിയ പ്രമുഖ താരങ്ങളുടെ സാന്നിദ്ധ്യവും ഈ ചിത്രത്തിനുണ്ട്. മാറ്റിനിനൗ എന്ന കമ്പനി എന്ന കമ്പനിയാണ് ഈ ചിത്രം 4കെ ഡോള്‍ബി അറ്റ്‌മോസില്‍ അവതരിപ്പിക്കുന്നത്. ഒക്ടോബര്‍ ആദ്യവാരത്തില്‍ ചിത്രം പ്രദര്‍ശനത്തിനെത്തും.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
