വി ഡി സതീശന്റെ കോഴ ഇടപാടിൽ പ്രതിഷേധിച്ച് ഡി വൈ എഫ് ഐ തിരുവനന്തപുരം ജില്ലാ കമ്മിറ്റിയുടെ നേത്യത്വത്തിൽ സെക്രട്ടറിയേറ്റ് മാർച്ച് നടത്തി. മാർച്ചിൽ വി ഡി സതീശന്റെ കോലം കത്തിച്ചു. മാർച്ചിൽ കേരളത്തിൻ്റെ വികസനത്തിന് കുതിപ്പേകുന്ന പദ്ധതിക്കാണ് വി ഡി സതീശൻ തടയിട്ടത് എന്ന് ഡി വൈ എഫ് ഐ സംസ്ഥാന സെക്രട്ടറി വി കെ സനോജ് പറഞ്ഞു. സിൽവർ ലൈൻ പാത നടപ്പിലാക്കിലെന്ന് വി ഡി സതീശനും മറ്റും പറയുന്നത് എന്ത് അടിസ്ഥാനത്തിലാണ് എന്നും വി കെ സനോജ് കൂട്ടിച്ചേർത്തു.
Also read:മുന്‍മന്ത്രി കെ ബാബുവിന്‍റെ 25.82 ലക്ഷം രൂപയുടെ സ്വത്ത് ഇ ഡി കണ്ടുകെട്ടി
‘ചില കോർപ്പറേറ്റ് ശക്തികൾക്ക് വേണ്ടിയാണ് സിൽവർ ലൈനിനെ എതിർത്തത്. പ്രതിപക്ഷ നേതാവിൻ്റെ സ്ഥാനം പോലും കോഴ കൊടുത്താണ് നേടിയത്. അത് കോൺഗ്രസ് നേതാക്കൾക്കിടയിൽ തന്നെ ചർച്ചയാകുന്നുണ്ട്. കേരളത്തിൽ ട്രെയിനുകളിൽ വലിയ തിരക്കാണ്. പലരും ബോധരഹിതരായി വീഴുന്ന സാഹചര്യമുണ്ടാകുന്നു.
പലരും ബോധരഹിതരായി വീഴുന്ന സാഹചര്യമുണ്ടാകുന്നു. കേന്ദ്ര സർക്കാർ കേരളത്തിലെ റെയിൽവേ മേഖലയോട് അവഗണന തുടരുകയാണ്. എന്നാൽ ഇതൊന്നും വിഡി സതീശൻ കാണുന്നില്ല. കെ റെയിൽ പദ്ധതിയെ മാത്രമല്ല, കേരളത്തിലെ എല്ലാ വികസന പ്രവർത്തനങ്ങൾക്കും തടസം നിൽക്കുകയാണ് പ്രതിപക്ഷ നേതാവ്’- വി കെ സനോജ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
