മാത്യു കുഴല്‍നാടന് തിരിച്ചടി; മുഖ്യമന്ത്രിക്കും മകള്‍ക്കുമെതിരെ കേസെടുക്കേണ്ടതില്ലെന്ന് വിജിലന്‍സ്

സി എം ആർ എല്ലും എക്സാലോജിക്കും തമ്മിലുള്ള പണമിടപാടിൽ അഴിമതിയുണ്ടെന്നും അതുകൊണ്ട് മുഖ്യമന്ത്രി പിണറായി വിജയനും മകൾ വീണാ വിജയനുമെതിരെ കേസെടുക്കണം എന്നാവശ്യപ്പെട്ടാണ് മാത്യു കുഴൽനാടൻ ഹർജി നൽകിയത്.

എന്നാൽ കുഴൽനാടൻ സമർപ്പിച്ച രേഖകളിൽ മതിയായ തെളിവില്ലെന്ന് ചൂണ്ടിക്കാട്ടിയാണ് വിജിലൻസ് തിരുവനന്തപുരത്തെ പ്രത്യേക വിജിലൻസ് കോടതിയിൽ റിപ്പോർട്ട് സമർപ്പിച്ചത്. ഈ സാഹചര്യത്തിൽ മുഖ്യമന്ത്രിക്കും മകൾക്കുമെതിരെ കേസെടുക്കേണ്ടതില്ലെന്നും റിപ്പോർട്ടിൽ വിജിലൻസ് വ്യക്തമാക്കി.  ഇത് സംബന്ധിച്ചുള്ള ഒരുതരത്തിലെ തെളിവുകളും കുഴൽനാടൻ സമർപ്പിച്ചിട്ടില്ലെന്നും റിപ്പോർട്ടിൽ പറയുന്നു.

മുഖ്യമന്ത്രിക്കും മകൾക്കുമെതിരെ ഓരോ ദിവസവും മാത്യു കുഴൽനാടൻ വാർത്താസമ്മേളനങ്ങളിലൂടെ ഉന്നയിക്കുന്ന കാര്യങ്ങളിൽ കഴമ്പില്ല എന്നുകൂടി ഇതിലൂടെ വ്യക്തമാകുന്നു. ഉന്നയിച്ച ആരോപണങ്ങൾ നിമിഷങ്ങൾക്കുള്ളിൽ തകരുന്നതിന് പിന്നാലെയായിരുന്നു മാത്യു കുഴൽനാടൻ വിജിലൻസിനെ സമീപിച്ചത്. കേസെടുക്കാൻ സാധിക്കില്ലെന്ന് വിജിലൻസ് റിപ്പോർട്ട് നൽകിയതോടെ കനത്തു തിരിച്ചടിയാണ് മാത്യുനാടനുണ്ടായത്.