കോട്ടയം പെരുന്നയിലെ ഡോക്ടറില്‍ നിന്നും ഡിജിറ്റല്‍ അറസ്റ്റിലൂടെ 5 ലക്ഷം തട്ടിയെടുത്തു. മുംബൈ പൊലീസ് എന്ന പേരിലായിരുന്നു വെര്‍ച്വല്‍ അറസ്റ്റ്. പൊലീസ് ഇടപെടലിനെ തുടര്‍ന്ന് 435000 രൂപ തിരിച്ചു പിടിച്ചു. കൊറിയര്‍ പാഴ്‌സലില്‍ നിരോധിത ഉത്പന്നങ്ങള്‍ ഉണ്ടെന്ന പേരിലായിരുന്നു ചങ്ങനാശേരി സ്വദേശിയായ ഡോക്ടറില്‍ നിന്നും 5 ലക്ഷം രൂപ തട്ടിയെടുത്തത്.
അടിയന്തരമായി തുക നല്‍കിയില്ലെങ്കില്‍ വെര്‍ച്വല്‍ അറസ്റ്റ് ചെയ്യുമെന്നും തട്ടിപ്പ് സംഘം ഡോക്ടറെ അറിയിച്ചു. ഇതുപ്രകാരം ഡോക്ടര്‍ ഉത്തരേന്ത്യന്‍ അക്കൗണ്ടിലേക്ക് പണം അയക്കാന്‍ ബാങ്കിലെത്തി. ബാങ്ക് അധികൃതര്‍ക്ക് സംശയം തോന്നി. ഇവര്‍ പൊലീസില്‍ വിവരം അറിയിക്കുകയായിരുന്നു. പൊലീസ് നടത്തിയ അന്വേഷണത്തിലാണ് തട്ടിപ്പിന്റെ വിവരം അറിഞ്ഞത്.
പൊലീസ് ഇടപെടലിനെ തുടര്‍ന്ന് 435000 രൂപ തിരിച്ചു പിടിച്ചെങ്കിലും ഡോക്ടര്‍ അന്വേഷണവുമായി സഹകരിച്ചില്ലെന്ന് പൊലീസ് ഉദ്യോഗസ്ഥര്‍ അറിയിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
