സെഡാനിൽ മുന്നിൽ ഫോക്‌സ്‌വാഗണ്‍ വെര്‍ട്ടിസ് തന്നെ

വിപണിയില്‍ എത്തി 28 മാസം പിന്നിടുമ്പോള്‍ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന സി സെഗ്‌മെന്റ് സെഡാനായി ഫോക്‌സ്‌വാഗണ്‍ വെര്‍ട്ടിസ്. കഴിഞ്ഞ 6 മാസക്കാലത്ത് ഏറ്റവും കൂടുതല്‍ വില്‍പ്പന നേടിയ സി-സെഗ്‌മെന്റ് സെഡാന്‍ എന്ന നേട്ടം വെര്‍ട്ടിസാണ് സ്വന്തമാക്കിയിരിക്കുന്നത്. 50,000 യൂണിറ്റ് വില്‍പ്പനയാണ് വെര്‍ട്ടിസ് നേടിയത്. രണ്ടും മൂന്നും സ്ഥാനത്ത് വെര്‍ണയും സ്ലാവിയയുമാണ്.

രണ്ട് പെട്രോള്‍ എഞ്ചിന്‍ ഓപ്ഷനുകളും രണ്ട് ട്രാന്‍സ്മിഷന്‍ ചോയ്സുകളും ആണ് വെർട്ടിസിന് ഈ സ്ഥാനം നേടി കൊടുത്തത്. വെർട്ടിസിന്റെ സ്‌റ്റൈലിംഗിന് ആകർഷണ ഘടകമാണ്.ക്രാഷ് ടെസ്റ്റിൽ വെര്‍ട്ടിസ് 5 സ്റ്റാര്‍ നേടിഎത്തും വിൽപ്പനയെ സ്വാധീനിച്ചിട്ടുണ്ട്.

ALSO READ: നിറം മാറി ഡ്യൂക്ക് 250; ഇനി എബോണി ബ്ലാക്ക് കളറിലും
രണ്ട് വ്യത്യസ്ത പവര്‍ട്രെയിന്‍ ഓപ്ഷനുകളിലാണ് വെര്‍ട്ടിസ് വരുന്നത്. ആദ്യത്തെ 1.0 ലിറ്റര്‍ TSI പെട്രോള്‍ മോട്ടോര്‍ 113 bhp പവറും 178 Nm പീക്ക് ടോര്‍ക്കും ആണ്. 6 സ്പീഡ് മാനുവല്‍, ഓട്ടോമാറ്റിക് ട്രാന്‍സ്മിഷന്‍ ഓപ്ഷനുകള്‍ ലഭ്യമാണ്. രണ്ടാമത്തെ 1.5-ലിറ്റര്‍ TSI Evo മോട്ടോര്‍ GT ബാഡ്ജ് ചെയ്ത പെര്‍ഫോമന്‍സ് ലൈന്‍ ട്രിമ്മിനെ ശക്തിപ്പെടുത്തുന്നു.13.56 ലക്ഷം മുതല്‍ 19.41 ലക്ഷം രൂപ വരെയാണ് കാറിന്റെ വില പോകുന്നത്.