വി എസിൻ്റെ ജീവിതകഥ ‘ഒരു സമര നൂറ്റാണ്ട്’, പുസ്തക പ്രകാശനം മുഖ്യമന്ത്രി നിർവഹിച്ചു

വി എസിന്റെ ജീവിതകഥയായ ‘ഒരു സമര നൂറ്റാണ്ട്’ പുസ്തക പ്രകാശനം തിരുവനന്തപുരം അയ്യൻ‌കാളി ഹാളിൽ വെച്ച് മുഖ്യമന്ത്രി നിർവഹിച്ചു. ചിന്ത പബ്ലിഷേഴ്സ് പ്രസിദ്ധീകരിച്ച പുസ്തകത്തിന്റെ രചയിതാവ് കെ വി സുധാകരനാണ്. കമ്മ്യൂണിസ്റ്റ് പ്രസ്ഥാനത്തിൻറെ ചരിത്രം മുന്നേറ്റത്തിന്റെ പശ്ചാത്തലത്തിൽ വിഎസിന്റെ ജീവിതത്തെ അടയാളപ്പെടുത്തുകയാണ് ഈ പുസ്തകമെന്ന് പ്രകാശനച്ചടങ്ങിൽ മുഖ്യമന്ത്രി പറഞ്ഞു. ഇതുവരെ വന്നിട്ടുള്ള പുസ്തകങ്ങൾ അത്തരത്തിൽ ആയിരുന്നില്ലെന്നും, അവയെല്ലാം വിഎസിനെ ചില പ്രത്യേക തലത്തിൽ പ്രതിഷ്ഠിച്ചു നോക്കിക്കാണാനാണ് ശ്രമിച്ചതെന്നും മുഖ്യമന്ത്രി വ്യക്തമാക്കി.

ALSO READ: ഒടിയനെ ഒടിച്ച് ലിയോ, കോടികളുടെ വ്യത്യാസത്തിൽ ആദ്യ ദിന കളക്ഷൻ റെക്കോർഡ്: ഇത് തിരുത്താൻ ഇനി ആരുണ്ട്?

‘എട്ടു ദശാബ്കാലം സജീവമായാണ് വിഎസ് പൊതുപ്രവർത്തനരംഗത്ത് ഉണ്ടായിരുന്നത്. 96-ാം വയസ്സിൽ അപ്രതീക്ഷിതമായാണ് ചില ശാരീരിക പ്രശ്നങ്ങൾ ഉണ്ടായത്. തുടർന്ന് ഇപ്പോൾ വിശ്രമജീവിതം നയിക്കുന്നു. ഇതിന് മുൻപുള്ള പുസ്തകങ്ങളിൽ വി എസിനെ പാർട്ടിയിൽ നിന്ന് അടർത്തി മാറ്റി പ്രത്യേക രീതിയിൽ കാണിക്കാനായിരുന്നു ശ്രമം. ഈ പുസ്തകത്തിൽ കമ്മ്യൂണിസ്റ്റ് പ്രസ്ഥാനത്തിൻറെ ചരിത്ര മുന്നേറ്റത്തിന്റെ പശ്ചാത്തലത്തിൽ വിഎസിന്റെ ജീവിതത്തെ അടയാളപ്പെടുത്തുകയാണ്’, പുസ്തകം പ്രകാശനം ചെയ്തുകൊണ്ട് മുഖ്യമന്ത്രി പറഞ്ഞു.