തൃശ്ശൂര്‍ വടക്കാഞ്ചേരി എങ്കക്കാട്ടില്‍ അടച്ചിട്ട വീട് കുത്തിത്തുറന്ന് 15 പവന്‍ കവര്‍ന്ന സംഭവത്തില്‍ പ്രതികള്‍ പൊലീസിന്റെ പിടിയിലായി. എങ്കക്കാട് സ്വദേശി മുഹമ്മദ് ഹസന്‍, തമിഴ്‌നാട് സ്വദേശി ശിവ, പ്രായപൂര്‍ത്തിയാകാത്ത മറ്റൊരാള്‍ എന്നിവരാണ് 48 മണിക്കുറിനകം പിടിയിലായത്.
കഴിഞ്ഞ വ്യാഴാഴ്ചയായിരുന്നു എങ്കക്കാട് സ്വദേശി കളത്തില്‍ പറമ്പില്‍ കുഞ്ഞാന്റെ അടച്ചിട്ടിരുന്ന വീട് കുത്തിത്തുറന്ന് പ്രതികള്‍ കവര്‍ച്ച നടത്തിയത്. വടക്കാഞ്ചേരി സിഐ റിജിന്‍ എം തോമസ് , എസ് ഐ അനുരാജ്, എസ് സി പി ഓ സജീവ് എന്നിവരുടെ നേതൃത്വത്തിലുള്ള പൊലീസ് സംഘമാണ് 48 മണിക്കൂറിനകം പ്രതികളെ പിടികൂടിയത്.
സിസിടിവി ദൃശ്യങ്ങളോ മറ്റോ ഇല്ലാതിരുന്ന കേസില്‍ പ്രാദേശികമായി നടത്തിയ അന്വേഷണത്തിലാണ് പ്രതികള്‍ പിടിയിലായത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
