തിരുവനന്തപുരം കോർപ്പറേഷനിലെ ഈ വാർഡുകളിൽ അടുത്ത ദിവസം ജല വിതരണം മുടങ്ങും

തിരുവനന്തപുരം കോർപ്പറേഷനിലെ മുപ്പത്തി മൂന്ന് വാർഡുകളിൽ പൂർണമായും പന്ത്രണ്ട് വാർഡുകളിൽ ഭാഗികമായും വ്യാഴാഴ്ച
ജല വിതരണം മുടങ്ങും. തിരുവനന്തപുരം-നാഗർകോവിൽ റെയിൽവേ പാത ഇരട്ടിപ്പിക്കൽ പ്രവൃത്തിയുമായി ബന്ധപ്പെട്ട് കേരള വാട്ടർ അതോറിറ്റിയുടെ, നേമത്തേക്കും ഐരാണിമുട്ടം ഭാഗത്തേക്കും പോകുന്ന ട്രാൻസ്മിഷൻ മെയ്നിന്റെ പൈപ്പ് ലൈൻ അലൈൻമെന്റ് മാറ്റുന്നത് മൂലമാണ് ജല വിതരണം തടസ്സപ്പെടുന്നത്.

ALSO READ: ചേർത്തലയിൽ കാണാതായ നവജാത ശിശുവിന്റെ മൃതദേഹം കണ്ടെത്തി ; മൃതദേഹം ശുചിമുറിക്കുള്ളിൽ ഒളിപ്പിച്ച നിലയിൽ

തിരുവനന്തപുരം കോർപ്പറേഷനിലെ പുത്തൻപള്ളി, ആറ്റുകാൽ, വലിയതുറ, പൂന്തുറ, ബീമാപള്ളി, ബീമാപള്ളി ഈസ്റ്റ്, മാണിക്യവിളകം, മുട്ടത്തറ, പുഞ്ചക്കരി, പൂജപ്പുര, കരമന, ,ആറന്നൂർ, മുടവൻമുകൾ, നെടുംകാട്, കാലടി, പാപ്പനംകോട്, മേലാംകോട്, വെള്ളായണി, എസ്റ്റേറ്റ്, നേമം, പ്രസാദ് നഗർ, തൃക്കണ്ണാപുരം, പുന്നയ്ക്കാമുകൾ, തിരുമല, വലിയവിള, പി ടി പി, കൊടുങ്ങാനൂർ, കാച്ചാണി, നെട്ടയം, വട്ടിയൂർക്കാവ്, കാഞ്ഞിരംപാറ, പാങ്ങോട്, തുരുത്തുമൂല എന്നീ വാർഡുകളിൽ പൂർണമായും ശ്രീവരാഹം, അമ്പലത്തറ, മണക്കാട്, കുര്യാത്തി, വള്ളക്കടവ്, കമലേശ്വരം, തിരുവല്ലം, പൂങ്കുളം, പാളയം, വഞ്ചിയൂർ, കുന്നുകുഴി, പട്ടം എന്നീ വാർഡുകളിൽ ഭാഗികമായും ജലവിതരണം തടസ്സപ്പെടും.

ALSO READ: ‘കേരളത്തിൽ നിൽക്കാൻ താൽപര്യം’ ; കഴക്കൂട്ടത്തെ 13 -കാരി സിഡബ്ല്യുസിയുടെ സംരക്ഷണയിൽ തുടരും

05.09 2024 രാവിലെ എട്ടുമണി മുതൽ 06.09. 2024 രാവിലെ 8 മണി വരെയാണ് ജലവിതരണം മുടങ്ങുക. ഉപഭോക്താക്കൾ വേണ്ട മുൻകരുതലുകൾ സ്വീകരിക്കേണ്ടതാണെന്ന് വാട്ടർ അതോറിറ്റി അധികൃതർ അറിയിച്ചു.