വയനാട് ദുരന്തന്തിൽ ജീവൻ നഷ്‌ടമായ 30പേരുടെ മൃതദേഹങ്ങൾ സംസ്കരിച്ചുവെന്ന് മന്ത്രി കെ രാജൻ. സംസ്കാരം നടത്താൻ 50 സെൻ്റ് കൂടി സർക്കാർ ഏറ്റെടുക്കും . 64 സെൻ്റ് ഭൂമിയിൽ മുഴുവൻ മൃതദേഹങ്ങളും സംസ്കരിക്കുക സാധ്യമല്ല ഇന്ന് ആറ് മൃതദേഹങ്ങൾ കണ്ടെടുത്തു. ഡോഗ് സ്‌കോഡിന്റെ സഹായത്തോടെ സൂചിപ്പാറ വെള്ളച്ചാട്ടത്തിൻ്റെ ഇരുവശങ്ങളും പരിശോധിക്കുമെന്നും മന്ത്രി പറഞ്ഞു.
താഴെയുള്ള വെള്ളച്ചാട്ടങ്ങളുടെ ഇരുകരകളിലും പരിശോധിക്കും. കടാവർ ഡോഗുകളെ കൂടുതൽ എത്തിക്കാൻ ശ്രമം നടത്തുന്നു. ഇതിനെ ഉപയോഗിച്ചുള്ള തിരച്ചിൽ പ്രയോജനം ചെയ്യുന്നു. രേഖകൾ നഷ്ടപ്പെട്ട എല്ലാവർക്കും അതിവേഗം രേഖകൾ ലഭ്യമാക്കും. ക്യാമ്പുകളിൽ നിന്നിറങ്ങും മുൻപ് ഒരുമിച്ച് അവർക്കു അവ ലഭ്യമാക്കുമെന്നും മന്ത്രി പറഞ്ഞു.
കെട്ടിടം സംബന്ധിച്ച വിവരശേഖരണത്തിനായി എൽ എസ് ടി ഡിയെ ഏൽപ്പിച്ചു. ഡിസാസ്റ്റർ വില്ലേജായി മേപ്പാടി മാറി. 10, 11,12 വാർഡുകളാണ് ഡിസാസ്റ്റർ വാർഡുകൾ. റോഡുകളുടെ അറ്റകുറ്റപ്പണികൾ നടത്തുമെന്നും മന്ത്രി പറഞ്ഞു. അതേസമയം ധനകാര്യ സ്ഥാപനങ്ങൾ ദുരന്തമേഖലയിലെ ആളുകളെ വിളിച്ച് തുക ആവശ്യപ്പെടരുതെന്നും മന്ത്രി വ്യക്തമാക്കി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
