പാലക്കാട്ടെ പൊലീസ് പരിശോധന, കോൺഗ്രസിൻ്റെ വെപ്രാളം എന്തോ ചീഞ്ഞു നാറുന്നതായി തോന്നിക്കുന്നു.. മാധ്യമ പരിലാളന കുറഞ്ഞാൽ തീരുന്ന ബലൂൺ മാത്രമായി കോൺഗ്രസ് നേതാക്കൾ- ജതിൻ ദാസ് എഴുതുന്നു

തിരഞ്ഞെടുപ്പ് പ്രഖ്യാപിക്കപ്പെട്ടുകഴിഞ്ഞാൽ പോലീസ് അടക്കമുള്ള ഉദ്യോഗസ്ഥ സംവിധാനമാകെ തിരഞ്ഞെടുപ്പ് കമ്മീഷന്റെ നിയന്ത്രണത്തിലും അധീനതയിലുമാണ്. അവരുടെ പ്രവർത്തികളും ഉത്തരവാദിത്തങ്ങളും നിശ്ചയിക്കുന്നതും നടപ്പിലാക്കുന്നതും തിരഞ്ഞെടുപ്പ് കമ്മീഷൻ ആണ്. അവിടെ സർക്കാരിന് ഒരു റോളുമില്ല.

ഇതറിയാത്തവരാണ് കോൺഗ്രെസ്സുകാർ എന്നെനിക്ക് തോന്നുന്നില്ല. ഇവരുടെ വെപ്രാളം കാണുമ്പൊൾ എന്തൊക്കെയോ ചീഞ്ഞുനാറുന്നതായി സ്വാഭാവികമായും തോന്നുന്നുണ്ട്. റൂട്ടീൻ പരിശോധന ആണെങ്കിലും, ഏതെങ്കിലും വിവരത്തിന്റെ ഭാഗമാണെങ്കിലും കോൺഗ്രെസ്സുകാർ ഇങ്ങനെ വേവലാതിപ്പെടുന്നതിന്റെ ലോജിക്ക് തീരെ മനസിലാകുന്നില്ല. എനിക്കിപ്പോൾ ഓർമ വരുന്നത് കുറച്ചുവർഷം മുൻപ് നടന്ന ഒരു സംഭവമാണ്. 2020 ഒക്ടോബർ മാസം .. കൊച്ചിയിൽ ഒരു കള്ളപ്പണ ഇടപാട് നടക്കുന്നു. ഒരു കുടുംബത്തെ കള്ളപ്പണം നൽകി പറ്റിക്കാൻ നോക്കിയ ഇടപാടിന് മുഖ്യകാർമികത്വം വഹിച്ചത് ഇതേ കോൺഗ്രെസ്സുകാരുടെ നേതാവായിരുന്നു. കള്ളപ്പണ ഇടപാട് നടക്കുന്നു എന്നറിഞ്ഞ ആദായനികുതി വകുപ്പ് അവിടേക്ക് എത്തുമ്പോഴേക്കും അന്നത്തെ MLA കൂടിയായിരുന്ന മാന്യൻ അവിടെനിന്നും ഓടിരക്ഷപ്പെടുന്നു. എന്നിട്ട് അതിന്റെ പാപഭാരം മൊത്തം സിപിഐഎം ബ്രാഞ്ച് സെക്രട്ടറി ആയിരുന്നു ഗിരിജൻ എന്ന സഖാവിന്റെ മേൽ ഇടാൻ നോക്കിയ സംഭവം അന്നേറെ ചർച്ച ചെയ്യപ്പെട്ടതാണ്.

പറഞ്ഞുവന്നത് ഇത്രേയുള്ളൂ … കോൺഗ്രെസ്സുകാർക്ക് ഇതൊക്കെ സാധാരണമാണ് .. പക്ഷെ പിടിക്കപ്പെടുന്നു എന്നൊരു ഘട്ടം വന്നാൽ വയലന്റ് ആയി ഊരിപ്പോകും. ഇപ്പോൾ നടക്കുന്നത് അതാണ്. അല്ലെങ്കിൽ കോൺഗ്രെസ്സുകാർ ഒരൊറ്റ കാര്യം പറയൂ .. പന്ത്രണ്ടുപേരെ പരിശോധിച്ചപ്പോൾ അവർക്കാർക്കുമില്ലാത്ത പ്രശ്നം കോൺഗ്രെസ്സുകാരെ പരിശോധിക്കുമ്പോൾ അവർക്കുണ്ടാകുന്നത് എങ്ങനെയാണ് ? എന്താണ് നിങ്ങളുടെ പ്രശ്നം ? നിങ്ങൾ നിയമത്തിന് അതീതരാണ് എന്നാണോ ?