പത്തനംതിട്ടയിൽ സിലിണ്ടർ പൊട്ടിത്തെറിച്ച് സ്ത്രീയ്ക്ക് ഗുരുതരമായി പരിക്ക്

പത്തനംതിട്ട കോന്നിയിൽ ഗ്യാസ് സിലിണ്ടർ പൊട്ടിത്തെറിച്ച് സ്ത്രീയ്ക്ക് ഗുരുതരമായി പൊള്ളലേറ്റു. പത്തനംതിട്ട കൊക്കാത്തോട് കോട്ടാംപാറയിലാണ് സംഭവം. അപകടത്തിൽ വീട് പൂർണമായും കത്തിനശിച്ചു. മംഗലത്ത് പൊന്നമ്മ എന്ന 75 വയസുകാരിക്കാണ് പൊള്ളലേറ്റത്.

Also read: കരകുളം പി എ അസീസ് എൻജിനീയറിംഗ് കോളേജ് ഉടമയുടെ മൃതദേഹം കത്തി കരിഞ്ഞ നിലയിൽ കണ്ടെത്തി

പൊള്ളലേറ്റ ഇവരെ ആദ്യം കോന്നി താലൂക്ക് ആശുപത്രിയിലും നിലവിൽ പത്തനംതിട്ട സ്വകാര്യ ആശുപത്രിയിൽ ചികിത്സയിലുമാണ്. ഐ സി യുവിൽ നിലവിൽ ചികിത്സയിൽ തുടരുകയാണ്. വീട്ടിലെ ഗ്യാസ് കുറ്റി ഉൾപ്പെടെ പൊട്ടി തെറിച്ചാണ് അപകടം ഉണ്ടായത്. മറ്റൊരു നിറച്ച കുറ്റി പിന്നീട് മാറ്റിയതിനാൽ കൂടുതൽ അപകടം ഒഴിവായത്.

Also read: യാത്രക്കാരുടെ ശ്രദ്ധയ്ക്ക്! ജനുവരി ഒന്ന് മുതൽ ഈ ട്രെയിനുകൾക്ക് സമയമാറ്റം

പുക ഉയരുന്നത് കണ്ടാണ് സമീപ വാസികൾ ഓടി കൂടിയത്. തുടർന്ന് പൊള്ളലേറ്റ പൊന്നമ്മയെ അയൽവാസികൾ ചേർന്ന് രക്ഷിക്കുകയായിരുന്നു. ഭർത്താവ് നേരത്തെ മരിച്ച പൊന്നമ്മ ഒറ്റയ്ക്കാണ് താമസം, മക്കൾ ഉൾപ്പെടെ പുറത്ത് ജോലി ചെയ്യുകയാണ്.