നായകനും വില്ലനും സഹനടനായെല്ലാം തിളങ്ങിയ മലയാള സിനിമയുടെ സ്വന്തം ജോജു ജോര്‍ജ് ആദ്യമായി സംവിധായകനായ ചിത്രമാണ് പണി. തീയേറ്ററുകളില്‍ മികച്ച പ്രതികരണവുമായി മുന്നോട്ടു കുതിക്കുന്ന ചിത്രത്തില്‍ പ്രധാന വേഷത്തിലെത്തിയ യുവ താരങ്ങളാണ് ജുനൈസ്, സാഗര്‍, മെര്‍ലറ്റ് ആന്‍ തോമസ് എന്നിവര്‍.
സിനിമയില്‍ എത്താന്‍ ആഗ്രഹമുണ്ടായിരുന്നെങ്കിലും വലിയ രീതിയില്‍ കഠിനാധ്വാനമൊന്നും ചെയ്യാതെ തന്നെ സിനിമയിലെത്താന്‍ കഴിഞ്ഞതിന്റെ സന്തോഷത്തിലാണ് ജുനൈസ്. അതേസമയം താന്‍ കുറേകാലമായി സ്വപ്‌നം കണ്ട സിനിമയിലെത്തിപ്പെട്ട സന്തോഷത്തിലാണ് മെര്‍ലറ്റ് ആന്‍ തോമസ്. ഏറ്റവും മികച്ച നടിക്കുള്ള അവാര്‍ഡ് വാങ്ങണമെന്നതാണ് തന്റെ സ്വപ്‌നമെന്നും താരം പറയുന്നു.
എന്നാല്‍ ഇപ്പോള്‍ കടന്നുപൊയ്‌ക്കൊണ്ടിരിക്കുന്ന ഈ യാത്ര മനോഹരമാണെന്നും സിനിമയില്‍ എത്താന്‍ ആഗ്രഹിച്ചതുപോലെ എത്തിപ്പെട്ടുവെന്നുമാണ് സാഗര്‍ പറയുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
