യൂത്ത് കോൺഗ്രസ് വ്യാജ തിരിച്ചറിയൽ കാർഡ്; നിർമാതാക്കളെയും ഉപഭോകതാക്കളെയും കണ്ടെത്താൻ ശ്രമം

യൂത്ത് കോൺഗ്രസ് വ്യാജ തിരിച്ചറിയൽ കാർഡ് നിർമിച്ച കേസിൽ സൈബർഡോമും അന്വേഷണം തുടങ്ങി. വ്യാജ കാർഡ് നിർമിച്ച മൊബൈൽ ആപ്പ് കേന്ദ്രീകരിച്ച് അന്വേഷണം ആരംഭിച്ചിട്ടുണ്ട്. ആപ്പിന്റെ നിർമാതാക്കളെ കണ്ടെത്താനാണ് ആദ്യ ശ്രമം. ആപ്പ് നിർമ്മിച്ചത് സംഘടനാ തെരഞ്ഞെടുപ്പിന് വേണ്ടി മാത്രമോയെന്ന് പരിശോധിക്കും. അതോടൊപ്പം തന്നെ ആരൊക്കെ ആപ്പ് ഉപയോഗിച്ചെന്നും സൈബർഡോം കണ്ടെത്തും.

ALSO READ: വിശ്വസിക്കാൻ കഴിയുന്നില്ല, എന്തൊരു നടനായിരുന്നു, സ്ത്രീകളെ എപ്പോഴും ബഹുമാനിക്കുന്ന മനുഷ്യൻ; വിനോദ് തോമസിനെ കുറിച്ച് സുരഭി ലക്ഷ്മി

അതേസമയം, കോഴിക്കോട് ജില്ലയിലും വ്യാജ ഐ ഡി വ്യാപകമെന്നാണ് കണ്ടെത്തൽ. യൂത്ത് കോൺഗ്രസ് മണ്ഡലം പ്രസിഡണ്ടിനെതിരെ പരാതി ഉയർന്നിട്ടുണ്ട്. ജില്ലാ ജനറൽ സെക്രട്ടറിക്കും സംസ്ഥാന പ്രസിഡണ്ടിനുമടക്കം പോയ വോട്ടുകൾ വ്യാജ ഐ ഡി യിലൂടെയാണെന്നാണ് കണ്ടെത്തൽ. വോട്ടർ ഐ ഡിയിൽ ജനനത്തീയതി മാറ്റിയ മണ്ഡലം പ്രസിഡണ്ട് നേടിയത്. 590 ലധികം വോട്ടുകളാണ്.